ଚିଲିକା, ୨୯ ।୮: ପବିତ୍ର ରାକ୍ଷୀ ପୂର୍ଣ୍ଣିମା ଅବସରରେ ରାଷ୍ଟ୍ରୀୟ ସ୍ୱୟଂସେବକ ସଂଘର ସ୍ୱୟଂସେବକ ଭାଇମାନଙ୍କ ପକ୍ଷରୁ ଚିଲିକା ଖଣ୍ଡ ଅଞ୍ଚଳରେ ଏକତା, ଭାଇଚାରା, ସାମାଜିକ ସଦ୍ ଭାବନା ଓ ରାଷ୍ଟ୍ରହିତର ବାର୍ତ୍ତା ପ୍ରଚାର କରାଯାଇଛି। ଏହି ଅବସରରେ ଚିଲିକା ଖଣ୍ଡ ଅନ୍ତର୍ଗତ ସୋରଣ, ନାଚୁଣୀ ଓ ବାଲୁଗାଁ ସମେତ ବିଭିନ୍ନ ଅଞ୍ଚଳରେ ସମାଜର ରାଷ୍ଟ୍ରହିତାକାଂକ୍ଷୀ ଓ ସେବାମନୋଭାବୀ ବ୍ୟକ୍ତିମାନଙ୍କୁ ରାକ୍ଷୀ ବାନ୍ଧି ପରସ୍ପର ଭାଇଚାରା ଓ ଦାୟିତ୍ୱବୋଧର ସନ୍ଦେଶ ଦିଆଯାଇଥିଲା।ରାକ୍ଷୀ କେବଳ ଭାଇ ଓ ଭଉଣୀଙ୍କ ମଧ୍ୟରେ ସ୍ନେହର ବନ୍ଧନ ନୁହେଁ; ଏହା ପରସ୍ପର ପ୍ରତି ସମ୍ମାନ, ସୁରକ୍ଷା, ବିଶ୍ୱାସ ଓ ଦାୟିତ୍ୱବୋଧର ପ୍ରତୀକ ବୋଲି ଏହି ଅବସରରେ ମତ ପ୍ରକାଶ ପାଇଥିଲା।
ସ୍ୱୟଂସେବକମାନେ ସମାଜର ବିଭିନ୍ନ ବର୍ଗର ଲୋକଙ୍କ ସହ ଯୋଡ଼ି ହୋଇ ଏକତା ଓ ସଦ୍ଭାବନାର ଏହି ପବିତ୍ର ବନ୍ଧନକୁ ଆହୁରି ମଜବୁତ କରିବାକୁ ଆହ୍ୱାନ କରିଥିଲେ। କାର୍ଯ୍ୟକ୍ରମରେ “ରାଷ୍ଟ୍ର ହିତ ସର୍ବୋପରି” ବାର୍ତ୍ତାକୁ ବିଶେଷ ଗୁରୁତ୍ୱ ଦିଆଯାଇଥିଲା। ଦେଶର ଏକତା, ଶାନ୍ତି, ସାମାଜିକ ସଦ୍ ଭାବନା ଓ ସମାଜର କଲ୍ୟାଣ ପାଇଁ ପ୍ରତ୍ୟେକ ନାଗରିକ ନିଜ ନିଜ ଦାୟିତ୍ୱ ସଚେତନତାର ସହ ପାଳନ କରିବା ଆବଶ୍ୟକ ବୋଲି ଉପସ୍ଥିତ ସ୍ୱୟଂସେବକମାନେ ମତବ୍ୟକ୍ତ କରିଥିଲେ। ଏହି ଅବସରରେ ଦେଶ ପ୍ରତି ଭଲପାଇବା, ସମାଜ ପ୍ରତି ସେବାଭାବ ଓ ପରସ୍ପର ମଧ୍ୟରେ ସଦ୍ ଭାବନା ବଜାୟ ରଖିବା ପାଇଁ ସମସ୍ତଙ୍କୁ ଆହ୍ୱାନ କରାଯାଇଥିଲା।
ସମସ୍ତେ ଏକତ୍ରିତ ହୋଇ ଦେଶର ଏକତା, ଅଖଣ୍ଡତା, ଶାନ୍ତି ଓ ସାମାଜିକ ସୁରକ୍ଷା ପାଇଁ ସଚେତନ ରହିବାର ବାର୍ତ୍ତା ମଧ୍ୟ ପ୍ରଦାନ କରାଯାଇଥିଲା। ଚିଲିକା ଖଣ୍ଡର ସୋରଣ, ନାଚୁଣୀ ଓ ବାଲୁଗାଁ ଅଞ୍ଚଳରେ ଏହି ରାକ୍ଷୀ ବନ୍ଧନ କାର୍ଯ୍ୟକ୍ରମ ମାଧ୍ୟମରେ ସମାଜରେ ଏକତା ଓ ଭାଇଚାରାର ଏକ ସକାରାତ୍ମକ ସନ୍ଦେଶ ପହଞ୍ଚାଇବାର ପ୍ରୟାସ କରାଯାଇଥିଲା। ଶେଷରେ ସମସ୍ତେ ଏକତା ଓ ସାମାଜିକ ସଦ୍ ଭାବନା ବଜାୟ ରଖି ଦେଶ ଓ ସମାଜର କଲ୍ୟାଣ ପାଇଁ କାର୍ଯ୍ୟ କରିବାର ଆହ୍ୱାନ ଜଣାଇଥିଲେ। କାର୍ଯ୍ୟକ୍ରମର ମୁଖ୍ୟ ବାର୍ତ୍ତା ଥିଲା— “ରାଷ୍ଟ୍ର ହିତ ସର୍ବୋପରି; ଏକତା ଓ ସଦ୍ ଭାବନା ହିଁ ସୁଦୃଢ଼ ସମାଜର ଆଧାର।”
ଦିଲ୍ଲୀପ କୁମାର ଶତପଥୀ
ଚିଲିକା ପ୍ରତିନିଧି
