ଢ଼େଙ୍କାନାଳ: ଆଜି ରାଜ୍ୟରେ ତୃତୀୟ ପର୍ଯ୍ୟାୟ ଭୋଟ ଗ୍ରହଣ ଚାଲିଥିବାବେଳେ ଢ଼େଙ୍କାନାଳ ଜିଲ୍ଲା ଭୁବନ ବ୍ଲକ୍ ଅନ୍ତର୍ଗତ ଅନଳ ଗ୍ରାମରେ ଉତ୍ସାହ ର ସହ ଭୋଟରମାନେ ନିଜ ନିଜର ମତ ସାବ୍ୟସ୍ତ କରୁଥିବା ଦେଖବାକୁ ମିଳିଛି । ଆଜି ସକାଳ ୭ଟା ରୁ ଆରମ୍ଭ ହୋଇଥିବା ମତଦାନ କାର୍ଯ୍ୟକ୍ରମରେ ଭୋଟରମାନେ ଶାନ୍ତିଶୃଙ୍ଖଳାର ସହ ଧାଡ଼ିରେ ଠିଆ ହୋଇ ମତଦାନ କରିଛନ୍ତି । ୬ ଲୋକସଭା ଆସନ ଓ ୪୨ ବିଧାନସଭା
ଆସନ ପାଇଁ ଭୋଟ ଗ୍ରହଣ ଚାଲିଛି । କଟକ, ଭୁବନେଶ୍ୱର, ପୁରୀ, ଢ଼େଙ୍କାନାଳ, କେନ୍ଦୁଝର ଓ ସମ୍ବଲପୁର ୬ ଲୋକସଭା ଆସନ ଏବଂ ଏହା ଅଧୀନରେ ଥିବା ୪୨ଟି ବିଧାନସଭା ଆସନ ପାଇଁ ଚାଲିଛି ଭୋଟ ଗ୍ରହଣ । ମତଦାନ କେନ୍ଦ୍ରରେ ଭୋଟରମାନେ ନିଜର ମତଦାନ ଲାଗି ସମସ୍ତ ବ୍ୟବସ୍ଥା କରାଯାଇଥିବାବେଳେ ଭୋଟରମାନଙ୍କ ପାଇଁ ପାନୀୟ ଜଳର ବ୍ୟବସ୍ଥା ଖରାରୁ ରକ୍ଷା ପାଇଁ ଛାଇର ବ୍ୟବସ୍ଥା ଏବଂ ଓଆର୍ଏସ୍ ର
ବ୍ୟବସ୍ଥା ମଧ୍ୟ କରାଯାଇଥିବା ଦେଖିବାକୁ ମିଳିଛି । ତେବେ ଚଳିତ ବର୍ଷ ଭୋଟରଙ୍କ ମନରେ ମତଦାନ କରିବାର ଉତ୍ସାହ ବଢ଼ିଥିବା ଦେଖିବାକୁ ମିଳିଛି । ପ୍ରିୟବ୍ରତ ବାରିକଙ୍କ ରିପୋର୍ଟ, ଉତ୍କଳ ବୁଲେଟିନ୍
