ବଜାରରୁ ଜଳଖିଆ ଦୋକାନ ଉଭାନ ! ଗ୍ରାହକ ଅସନ୍ତୋଷ


ଭୁବନେଶ୍ୱର ପ୍ରାଚ୍ୟରେ ଚାଲିଛି ଯୁଦ୍ଧ ଆଉ ଏହାର ପ୍ରଭାବ ଭାରତ ଉପରେ ପଡ଼ିଛି । ବିଶେଷ କରି ଏଲପିଜି ର ଘୋର ଅଭାବ ସବୁଠି ଦେଖିବାକୁ ମିଳୁଛି । କେନ୍ଦ୍ର ଓ ରାଜ୍ୟ ସରକାର ଗ୍ୟାସର ଅଭାବକୁ ଖଣ୍ଡନ କଲେ ମଧ୍ୟ ପ୍ରକୃତରେ ଲୋକଙ୍କ ନିକଟରେ ଗ୍ୟାସ ଠିକ ଭାବରେ ପହଞ୍ଚୁ ନ ଥିବା ଅଭିଯୋଗ ହେଉଛି । ଏବେ ଓଡ଼ିଶାର ବିଭିନ୍ନ ସହରରେ ଅଧିକାଂଶ ହୋଟେଲ ସହ ଜଳଖିଆ ଦେକାନ ଗୁଡ଼ିକ ବନ୍ଦ ରହୁଥିବା ଦେଖିବାକୁ ମିଳିଛି । ଯେଉଁଠି ଜଳଖିଆ ଖାଇବାକୁ ଲୋକଙ୍କ ଭିଡ଼ ଲାଗୁଥିଲା ସେଠି ଆଜି ଖାଁ ଖାଁ ପରିବେଶ ସୃଷ୍ଟି ହେଇଛି । ଗ୍ୟାସ ନ ମିଳିବାରୁ ଅନେକ ଦେକାନୀ ଦୋକନରେ ତାଲା ପକାଇଦେିଛନ୍ତି । ଯେଉଁ ଗ୍ୟାସ ବ୍ଲାକରେ ମିଳୁଛି ତାହା ୨୫୦୦ ରୁ ୩୦୦୦ ଟଙ୍କା ପଡ଼ୁଥିବା କିଛି ଦୋକାନୀ ଅଭିଯୋଗ କରିଛନ୍ତି । ଏହି ଦୋକାନୀ ମାନେ ଆହୁରି କହିଛନ୍ତି ଯଦି ଏହିପରି ସମସ୍ୟା ଲାଗିରହେ ତେବେ ରାଜଧାନୀ ଭୁବନେଶ୍ୱରରେ ରହିବା ସମ୍ଭବ ନୁହେଁ । ଅନ୍ୟପଟରେ ଯେଉଁଠାରେ କାଁ ଭାଁ ଦୋକାନ ଖୋଲା ରହୁଛି ସେଠାରେ ଦୋକାନୀ ମନଇଛା ରେଟ ନବାକୁ ପଛାଉ ନାହାନ୍ତି । ଗ୍ରାହକଙ୍କୁ ୧୦ ଟଙ୍କା ବରାକୁ ୨୦ ଟଙ୍କାରେ କିଣିବାକୁ ପଡ଼ୁଛି । ଏ ନେଇ ଦୋକନୀଙ୍କୁ ପଚାରିବାରୁ ଇଛାହେଲେ ନିଅ ନ ହେଲେ ନାହିଁ ବୋଲି ମୁହେଁ ମୁହେଁ କହିଦେଉଛନ୍ତି । ଜଳଖିଆ ଟିକେ ନ ପାଇ ଗ୍ରାହକ ଅନେକ ହଇରାଣ ହରକତ ହେଉଥିବା ଜଣାପଡ଼ିଛି । ତେଣୁ ରାଜ୍ୟ ସରକାର ଏଥିପ୍ରତି ଗୁରୁତ୍ୱ ଦେବାକୁ ସାଧାରଣରେ ଅଭିଯୋଗ ହେଉଛି । ଅନ୍ୟପଟରେ ଯୁଦ୍ଧ ଆଳରେ ଚାଲିଛି ରନ୍ଧନଗ୍ୟାସର କଳାବଜାର । ଏ ପୁଣି ଏମିତି ସେମିତି ନୁହେଁ, ଆଖି ତରାଟିଦେବା ଭଳି ବେପାର । କିଛି ଅସାଧୁ ଖାଉଟି ଏହି ମୌକାରେ ଚୌକା ମାରିବାକୁ ବସିଛନ୍ତି । ପରିବାର ଲୋକଙ୍କ ନାଁରେ ଏକାଧିକ ଗ୍ୟାସ ମଗାଇ ତାକୁ ଉଚ୍ଚ ଦରରେ ବିକୁଛନ୍ତି । ୯୦୦ କି ୧୦୦୦ ନୁହେଁ, ୧୮ଶହରୁ ୨ହଜାର ଟଙ୍କାରେ ଚାଲିଛି ବେପାର । ଏବେ ଅଧିକାଂଶ ହୋଟେଲ, ଦୋକାନମାନଙ୍କରେ ବ୍ୟବସାୟିକ ସିଲିଣ୍ଡର ବଦଳରେ ଘରୋଇ ସିଲିଣ୍ଡର ଦେଖିବାକୁ ମିଳିଛି । ସାଲିଆସାହି ପଛପଟ ୨୦୦ ଫୁଟିଆ ରୋଡ଼ରେ ଦେଖିବାକୁ ମିଳିଥିଲା ଅସମ୍ଭାଳ ଭିଡ଼ । ରାସ୍ତା ଉପରେ ପାଖାପାଖି ୧ହଜାର ଗ୍ୟାସ ସିଲିଣ୍ଡର ଥୁଆ ହୋଇଥିଲା । ଲୋକେ ରାତିରୁ ଆସି ଗ୍ୟାସ ନେବାକ ଲମ୍ବା ଲାଇନ୍ ଲଗାଇଥିଲେ । ହେଲେ କିଏ ଖାଉଟି, କିଏ ବେପାରୀ ତାହା ବୁଝାପଡ଼ୁନଥିଲା । ବ୍ୟବସାୟିକ ହେଉ ଅବା ଘରୋଇ ସିଲିଣ୍ଡର ଯାହା ମିଳିବ ତାକୁ ନେବେ ବୋଲି ସେମାନେ କହୁଥିଲେ । ଜଣେ ବ୍ୟକ୍ତି କହିଥିଲେ, ଏଠି ଗ୍ୟାସ ସିଲିଣ୍ଡର ନେବାକୁ ଆସିନାହାନ୍ତି, ବରଂ ବିକିବାକୁ ଆସିଛନ୍ତି । କେବଳ ସେହି ଗୋଟିଏ ସ୍ଥାନ ନୁହେଁ, ରାଜଧାନୀର ଅନ୍ୟ ଗ୍ୟାସ ଦୋକାନ ଓ ଏଜେନ୍ସିଙ୍କ ପାଖରେ ବି ପ୍ରବଳ ଭିଡ଼ ଦେଖିବାକୁ ମିଳିଥିଲ

Social Share On:

Utkal Bulletin Is Now On WhatsApp Join And Get Latest News Updates Delivered To You Via WhatsApp

Social Share On:

Related News

You cannot copy content of this page