ଇସ୍ରାଏଲର ମିସାଇଲ ମାଡ଼ରେ ଜଳୁଛି ତୈଳ ଡିପୋ

ନୂଆଦିଲ୍ଲୀ: ମଧ୍ୟପ୍ରାଚ୍ୟରେ ମହା ଭୟଙ୍କର ହେଉଛି ମହାଯୁଦ୍ଧ । ତେହେରାନ ଉପରେ ବର୍ଷୁଛି ମିସାଇଲ । ତେହେରାନର ତୈଳ ଡିପୋ ହୁହୁ ହୋଇ ଜଳୁଛି । ଇସ୍ରାଏଲର ମିସାଇଲ ମାଡ଼ରେ ଜଳୁଛି ତୈଳ ଡିପୋ । ଇରାନ ଉପରେ ଆମେରିକାର ସାମରିକ ଏବଂ କୂଟନୈତିକ ଚାପ ବଢ଼ି ଚାଲିଛି । ଧ୍ୱଂସ ହେଉଛି ଇରାନର ସାମରିକ ଶକ୍ତି । ଛାରଖାର ହେଉଛି ନୌସେନା । ନବମ ଦିନରେ ପହଞ୍ଚିଛି ଯୁଦ୍ଧ । ଘମାଘୋଟ ହେଉଛି ଆକ୍ରମଣ ପ୍ରତିଆକ୍ରମଣ । ଇରାନର ୪୪ଟି ଯୁଦ୍ଧ ଜାହାଜ ଧ୍ୱଂସ ହୋଇଥିବା ଦାବି କରିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଇରାନ ଏୟାରଫେ‘ାର୍ସର ସମସ୍ତ ପ୍ଲେନ୍ ଏବଂ ପ୍ରାୟ ଅଧିକାଂଶ ମିସାଇଲକୁ ନଷ୍ଟ କରି ଦିଆଯାଇଥିବା ଦାବି କରିଛନ୍ତି ଟ୍ରମ୍ପ । ମିସାଇଲ କାରଖାନା ଉପରେମଧ୍ୟ ଭୟାନକ ମିସାଇଲ ମାଡ଼ ହୋଇଥିବା କହିଛନ୍ତି ଟ୍ରମ୍ପ । ଇରାନର ଡ୍ରୋନ୍ କ୍ଷମତା ମ୍ମ ମାଟିରେ ମିଶି ଗଲାଣି । ଆକ୍ରମଣ ଆହୁରି ଜୋରଦାର ହେବ ବୋଲି ଟ୍ରମ୍ପ କହିଛନ୍ତି ।ଆମେରିକା ଓ ଇସ୍ରାଏଲ ପକ୍ଷରୁ ଇରାନ ବିରୋଧରେ ଚାଲିଥିବା ଯୁଦ୍ଧ ଦିନକୁ ଦିନ ଭୟଙ୍କର ହେଉଥିବାବେଳେ ପଶ୍ଚିମ ଏସିଆ ପ୍ରତି ବିପଦ ବଢ଼ିବାରେ ଲାଗିଛି । ଦୁଇ ପକ୍ଷ ଯୁଦ୍ଧରେ ମଧ୍ୟପ୍ରାଚ୍ୟରେ ତୈଳ ଓ ଡିସାଲିନେସନ କେନ୍ଦ୍ର କ୍ଷତିଗ୍ରସ୍ତ ହେଉଛି । ପଶ୍ଚିମ ଏସିଆର ଶୁଷ୍କ ଅଞ୍ଚଳରେ ତୈଳକୁ ନେଇ ଯେତିକି ବିପଦ ନାହିଁ, ତା’ଠାରୁ ଅଧିକ ବିପଦ ପାଣିକୁ ନେଇ ରହିଛି ବୋଲି ବିଶେଷଜ୍ଞ ଚେତାଇ ଦେଇଛନ୍ତି । ପାରସ୍ୟ ଉପସାଗରର କୂଳେ କୂଳେ ଶହ ଶହ ଡିସାଲିନେସନ କେନ୍ଦ୍ର ବା ଲୁଣି ଜଳକୁ ମଧୁର ଜଳରେ ପରିଣତ କରିବା କେନ୍ଦ୍ର ରହିଛି । ଏହିଠାରୁ ହଜାର ହଜାର ଲୋକଙ୍କ ପାଇଁ ବିଶୁଦ୍ଧ ପାନୀୟ ଜଳ ଯୋଗାଇ ଦିଆଯାଉଛି । ଏହି ସବୁ ବିଶୋଧନ କେନ୍ଦ୍ର ସାହାଯ୍ୟରେ ବଡ଼ ବଡ଼ ସହରରେ ଲକ୍ଷ ଲକ୍ଷ ଲୋକ ରହିପାରୁଛନ୍ତି । କୁଏତ୍ରେ ୯୦ % ପାନୀୟ ଜଳ ଡିସାଲିନେସନ ଦ୍ୱାରା ମିଳିଥାଏ । ଓମାନରେ ୮୬%, ସାଉଦି ଆରବରେ ୭୦% ଜଳ ଏହି ମା୍ମମରେ ମିଳିଥାଏ । ୨୦୧୦ର ସିଆଇଏର ଏକ ରିପୋର୍ଟ ଅନୁଯାୟୀ ଏହି ଡିସାଲିନେସନ କେନ୍ଦ୍ର ଉପରେ ଆକ୍ରମଣ ଉପସାଗରୀୟ ଦେଶମାନଙ୍କରେ ଭୟଙ୍କର ପାନୀୟ ଜଳ ସମସ୍ୟା ସୃଷ୍ଟି କରିବ । ଉପସାଗରୀୟ ଦେଶରେ ୯୦% ମଧୁର ଜଳ ମାତ୍ର ୫୬ଟି ଡିସାଲିନେସନ କେନ୍ଦ୍ରରୁ ଆସୁଛି । ଯଦି ଡିସାଲିନେସନ କେନ୍ଦ୍ରର ଗୁରୁତ୍ୱପୂର୍ଣ୍ଣ ଉପକରଣ ଏହି ଆକ୍ରମଣରେ ନଷ୍ଟ ହୋଇଯାଏ, ତେବେ ମାସ ମାସ ଧରି ଉକôଟ ପାନୀୟ ଜଳ ସମସ୍ୟା ଲାଗି ରହିବ । ମଧ୍ୟପ୍ରାଚ୍ୟରେ ଥିବା ହୋଟେଲ, ଶିଳ୍ପ ସହିତ କୃଷି କ୍ଷେତ୍ର ଏହିସବୁ ଡିସାଲିନେସନ କେନ୍ଦ୍ର ଉପରେ ନିର୍ଭରଶୀଳ । ଫେ‘ବୃଆରି ୨୮ରେ ଇସ୍ରାଏଲ- ଆମେରିକା ଆକ୍ରମଣ ପରେ ଏହି ଅଞ୍ଚଳରେ ଥିବା ଡିସାଲିନେସନ କେନ୍ଦ୍ର ଉପରେ ଆକ୍ରମଣ ଭୟ ବଢ଼ାଇ ଦେଇଛି । ମାର୍ଚ୍ଚ ୨ରେ ଇରାନ ଦୁବାଇର ଜେବେଲ ଅଲି ବନ୍ଦର ଉପରେ ଆକ୍ରମଣ କରିଥିଲା । ଏହି ଆକ୍ରମଣ ବିଶ୍ୱର ସବୁଠୁ ବଡ଼ ଡିସାଲିନେସନ କାରଖାନାର ମାତ୍ର ୧୨ ମାଇଲ ଦୂରରେ ହୋଇଥିଲା । ସଂଯୁକ୍ତ ଆରବ ଏମିରେଟ୍ସ (ୟୁଏଇ)ର ଫୁଜାଇରାହ ଏ‘୍୧ ଶକ୍ତି ଓ ୱାଟର କମ୍ପ୍ଲେକ୍ସ ଓ କୁଏତର ଦୋହା ୱେଷ୍ଟ ଡିସାଲିନେସନ କେନ୍ଦ୍ର ମଧ୍ୟଆକ୍ରମଣରେ କ୍ଷତିଗ୍ରସ୍ତ ହୋଇଥିବା ସୂଚନା ମିଳିଛି ।