ବେତନଟୀ,୧୦/୧: ଶୁକ୍ରବାର ସିବିଏସଇ ବେତନଟୀ ଆଗ୍ରିଆ ସ୍ଥିତ ଦିବ୍ୟଜ୍ୟୋତି କନଭେଣ୍ଟ ହାୟାର ସେକେଣ୍ଡାରୀ ସ୍କୁଲରେ ଅନୁଷ୍ଠିତ ଗ୍ରାଣ୍ଡ ପେରେଣ୍ଟସ ଡେ ଓ ପୁରସ୍କାର ବିତରଣୀ ଉତ୍ସବ ଆଜି ମହା ସମାରୋହରେ ପାଳିତ ହୋଇଯାଇଛି l ସ୍କୁଲର ଅଧ୍ୟକ୍ଷା ସିଷ୍ଟର ଶ୍ୟାନି. ଭି. ଜୋସେଫଙ୍କ ସଭାପତିତ୍ୱରେ ମୁଖ୍ୟ ଅତିଥି ରୂପେ ବେତନଟୀ ବ୍ଲକ ଅଧ୍ୟକ୍ଷା କୌଶଲ୍ୟା ମାଝୀ ଓ ସଂମାନନୀୟ ଅତିଥି ଭାବେ ସ୍କୁଲ ସଭାପତି ମଦର ଟେସିନା ଯୋଗଦେଇ ଉତ୍ସବକୁ ଉଦଘାଟନ କରିଥିଲେ l ମୁଖ୍ୟଅତିଥି ତାଙ୍କ ଅଭିଭାଷଣରେ ବହୁ ମୂଲ୍ୟବାନ କଥାକହିଥିଲେ ଯେ ଏହି ସ୍କୁଲ ବେତନଟୀ ତଥା ମୟୁରଭଞ୍ଜ ଜିଲ୍ଲାରେ ଖ୍ୟାତି ସମ୍ପର୍ଣ୍ଣ ବିଦ୍ୟାଳୟ ଅଟେ l ଏହି ସ୍କୁଲରେ ପ୍ରତ୍ୟେକ ବର୍ଷ ଭଲ ମେଧାବୀ ଛାତ୍ରଛାତ୍ରୀ ସିବିଏସଇ ବୋର୍ଡ ପରୀକ୍ଷାରେ ଉର୍ତ୍ତିନ୍ନ
ହେଉଛନ୍ତି l ଏହା ଗର୍ବ ଓ ଗୌରବର ବିଷୟ ଆମ ଅଞ୍ଚଳ ପାଇଁ l ସଭାପତି ମଦର ଟେସିନା ତାଙ୍କ ଅଭିଭାଷଣରେ କହିଥିଲେ ଯେ ଶିକ୍ଷା ସହିତ ନୃତ୍ୟ, ସଂଗୀତ, କ୍ରୀଡା, ହସ୍ତତନ୍ତ୍ର କାରିଗରୀ, ବକ୍ତୃତା, ଗଳ୍ପଲିଖନ ଗୋଟେ ଶିଶୁର ସାମଗ୍ରିକ ତଥା ଅନ୍ତର୍ନିହିତ ଗୁଣାବଳିର ବିକାଶ ଘଟlଇଥାଏ l ଏହି ସାଂସ୍କୃତିକ କାର୍ଯ୍ୟକ୍ରମ ପ୍ରତ୍ୟେକଙ୍କ ଜୀବନକୁ ଚାପମୁକ୍ତ କରିଥାଏ l ଶରୀର ଓ ମନ ସୁସ୍ଥ ରହିବା ଦ୍ୱାରା ପିଲାମାନଙ୍କ ମଧ୍ୟରେ ଉତ୍ତମ ପାଠପଢିବା ପାଇଁ ଆଗ୍ରହ ସୃଷ୍ଟି କରିଥାଏ l ସମସ୍ତ ଛାତ୍ରଛାତ୍ରୀ ମାନଙ୍କର ଅବିଭାବକ ଓ ଜେଜେବାପା, ଜେଜେମା’ ମାନଙ୍କର ଏହି ଉତ୍ସବ ପ୍ରତି ସହଯୋଗକୁ ବହୁତ ପ୍ରଶଂସା କରିଥିଲେ l ତାପରେ ପିଲାମାନଙ୍କ ଦ୍ୱାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅତି ସୁନ୍ଦର ଓ ଚମତ୍କାର ଭାବେ ପରିବେଷଣ କରିଥିଲେ l ଯାହାକି ସମସ୍ତ ଦର୍ଶକଙ୍କ ମନକୁ ମୁଗ୍ଧ କରିଥିଲେ l ତାପରେ ବର୍ଷକ ମଧ୍ୟରେ ଅନୁଷ୍ଠିତ ହୋଇଥିବା ବାର୍ଷିକ କ୍ରୀଡା ପ୍ରତିଯୋଗିତା, ଇଣ୍ଟର ହାଉସ କବାଡି ମ୍ୟାଚ , ଇଣ୍ଟର ହାଉସ ଖୋ ଖୋ ମ୍ୟାଚ, ଇଣ୍ଟର ହାଉସ ଭଲି ବଲମ୍ୟାଚ ,କୋ କାରିକୁଲର ଆକ୍ଟିଭିଟି ଓ ହସ୍ତ ତନ୍ତ୍ର କାରିଗରୀରେ ଚମ୍ପିୟାନ ଓ ରନର୍ସ ଅପ ହୋଇଥିବା ସମସ୍ତ ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା l ସେହିପରି ଆମ ବିଦ୍ୟାଳୟର ସୁନାମ ଅର୍ଜନ କରିଥିବା ୧୪ ବର୍ଷରୁ କମ ବାଳିକା ଜାତୀୟ ଖୋ ଖୋ ଖେଳାଳି ଓ ଜାତୀୟ ଉସୁ ଖେଳାଳିଙ୍କୁ ମୁଖ୍ୟ ଅତିଥି ସଂମ୍ମାନିତ କରିଥିଲେ l ଏହି ଉତ୍ସବରେ ସ୍କୁଲର ସମସ୍ତ ଶିକ୍ଷକ,ଶିକ୍ଷୟି ତ୍ରୀ ଓ ଅଣଶିକ୍ଷା କର୍ମଚାରୀ ସକ୍ରିୟ ସହଯୋଗ କରିଥିଲେ l ଶେଷରେ ସ୍କୁଲ ଅଧ୍ୟକ୍ଷା ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ l
