ଭୁବନେଶ୍ୱର /ଅନ୍ଧାରୁଆ: ସାମାଜିକ ଅନୁଷ୍ଠାନ ମହିମା ସେବା ଫାଉଣ୍ଡେସନ ପକ୍ଷରୁ ଅନ୍ଧାରୁଆ, ପ୍ରଭୁଦ୍ଧ ବିହାର ସ୍ଥିତ ପାଦପଦ୍ମ ପାହାଡ଼ ଠାରେ ବିଶ୍ୱ ମାତୃ ଦିବସ ଅବସରରେ ବସ୍ତ୍ର ଦାନ ଶିବିର ଅନୁଷ୍ଠିତ ହୋଇ ଯାଇଛି. ଫାଉଣ୍ଡେସନ ର ସଭାପତି ସମାଜସେବୀ ନାରାୟଣ ଖୁଣ୍ଟିଆଙ୍କ ସଂଯୋଜନା ଓ ମହିମା ସାଧୁ ମଧୁସୂଦନ ଦାସ ଙ୍କ ପୌରହିତ୍ୟ ରେ ଅନୁଷ୍ଠିତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଅତିଥି ଭାବେ ସ୍ମୃତି ରଞ୍ଜନ ମଲ୍ଲିକ, ମୁଖ୍ୟବକ୍ତା ଭାବେ ବରିଷ୍ଠ ସମାଜସେବୀ ପଦ୍ମ ଚରଣ ବେହେରା, ସମ୍ମାନିତ ଅତିଥି ଭାବେ ‘ଉତ୍କଳ ବୁଲେଟିନ’ ର ସମ୍ପାଦକ ଅରବିନ୍ଦ ତ୍ରିପାଠୀ ଯୋଗ ଦେଇ ବିଶ୍ୱ ମାତୃ ଦିବସ ତଥା ରାଷ୍ଟ୍ର ର ବିକାଶ ରେ ମହିଳା ଙ୍କ ଗୁରୁତ୍ୱପୂର୍ଣ୍ଣ ଭୂମିକା ରହିଛି ବୋଲି ମତବ୍ୟକ୍ତ କରି ଥିଲେ I ଏହି ଅବସରରେ କିଛି ଅସହାୟ ମହିଳାଙ୍କୁ ବସ୍ତ୍ର ଓ ଖାଦ୍ୟ ବଣ୍ଟନ କରା ଯାଇଥିଲା. ମୁଖ୍ୟ ଅତିଥି ଶ୍ରୀଯୁକ୍ତ ମଲ୍ଲିକ ବସ୍ତ୍ର ଓ ଖାଦ୍ୟ ସହଯୋଗ କରିବା ସହିତ, ସମସ୍ତେ ନିଜ ନିଜ ସ୍ତରରେ ଅବହେଳିତ ଓ ଦୁସ୍ଥ ମାନଂକୁ ସାହାଯ୍ୟ କରିବାକୁ ଆଗେଇ ଆସନ୍ତୁ ବୋଲି ମତ ବ୍ୟକ୍ତ କରିଥିଲେ I କାର୍ଯ୍ୟକ୍ରମ କୁ ପରିଚାଳନା କରିଥିଲେ ହୃଷିକେଶ, କାଳିଆ, ସୁଶାନ୍ତ, ନିରଧ ପ୍ରମୁଖ I
Report: Priyabrat Barik, Utkalbulletin
