ବାବା ପ୍ରତାପେଶ୍ୱର ଦେବ ଫୁଟବଲ ଟୁର୍ଣ୍ଣାମେଣ୍ଟ ଉଦଘାଟନୀ ଉତ୍ସବ

ଚିଲିକା: ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ ଅନ୍ତର୍ଗତ ହରିପୁର ଗ୍ରାମସ୍ଥ ଲକ୍ଷ୍ମୀଧର ସରକାରୀ ଉଚ୍ଚ ବିଦ୍ୟାଳୟର ଖେଳପଡିଆ ପରିସରରେ ଫୁଟବଲ ଟୁର୍ଣ୍ଣାମେଣ୍ଟ ଉଦଘାଟନ ଉତ୍ସବ ଅନୁଷ୍ଠିତ ହୋଇଯାଇଛି | ବାବା ପ୍ରତାପେଶ୍ୱର ଦେବ ଫୁଟବଲ ଆସୋସିଏସନ ଆନୁକୂଲ୍ୟରେ ଆୟୋଜିତ ଏହି ଟୁର୍ଣ୍ଣାମେଣ୍ଟରେ ସ୍ୱତନ୍ତ୍ର ଆମନ୍ତ୍ରିତ ଅତିଥି ଭାବେ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସକ ଡ଼ଃ ସଞ୍ଜୟ ରାୟ ଓ ଧର୍ମପତ୍ନୀ ଶର୍ମିଷ୍ଠା ରାୟ ଯୋଗ ଦେଇଥିଲେ | ମୁଖ୍ୟଅତିଥି ଭାବେ ସ୍ଥାନୀୟ ସରପଞ୍ଚ ଗୀତାଞ୍ଜଳି ବେହେରା, ସମ୍ମାନିତ ଅତିଥି ଭାବେ ଚିଲିକା ବ୍ଲକ ଉପାଧ୍ୟକ୍ଷ ଅରୁଣ ପଟ୍ଟନାୟକ, ପୂର୍ବତନ ବ୍ଲକ ଅଧ୍ୟକ୍ଷ ଲଳିତ ମୋହନ ପଟ୍ଟନାୟକ, ଲକ୍ଷ୍ମୀଧର ସରକାରୀ ଉଚ୍ଚ ବିଦ୍ୟାପୀଠର ପ୍ରଧାନଶିକ୍ଷକ ସତ୍ୟସାରଥୀ ବେଦମତ୍ତା, ଆରକ୍ଷୀ ନିରୀକ୍ଷକ ଅକ୍ଷୟ କୁମାର ଭୋଳ, ବରିଷ୍ଠ ଶାରୀରିକ ଶିକ୍ଷାଧିକାରୀ ମହେନ୍ଦ୍ର ବିଶ୍ୱାଳ, ବରିଷ୍ଠ କ୍ରୀଡ଼ାବିତ ମକରଧ୍ଵଜ ପଲାଇ, ବିଶିଷ୍ଟ ଶିଳ୍ପଉଦ୍ୟୋଗୀ ସରୋଜ ମହାନ୍ତି, ବିରିବାଡ଼ି ପୂର୍ବତନ ସରପଞ୍ଚ ଧର୍ମାନନ୍ଦ ସେଣ, ଅଁଳାଡ଼ିହ ସ୍କୁଲ ଶାରୀରିକ ଶିକ୍ଷକ ପବିତ୍ର ମୋହନ ପରିଡ଼ା, ସମାଜସେବୀ ପ୍ରଫୁଲ୍ଲ କୁମାର ରଥ, କ୍ରୀଡ଼ାବିତ ମନୋଜ ଶ୍ରୀଚନ୍ଦନ, ବ୍ୟବସାୟୀ ସତ୍ୟନାରାୟଣ ସୁବୁଦ୍ଧି, ପୂର୍ବତନ ସରପଞ୍ଚ ବଳଭଦ୍ର ବଳବନ୍ତରାୟ, ସମାଜସେବୀ ଗୋଦାବରୀଶ ବିଶ୍ୱାଳ, ଶିକ୍ଷାବିତ ପ୍ରଦୀପ କୁମାର ବଳବନ୍ତରାୟ ପ୍ରମୁଖ ଯୋଗ ଦେଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ | ଅତିଥି ମାନଙ୍କୁ ଭବ୍ୟ ସମ୍ବର୍ଦ୍ଧନା ସହିତ ଉଦଘାଟନୀ ଉତ୍ସବରେ ଅତିଥି ମାନେ ଦୀପ ପ୍ରଜ୍ବଳନ ପୂର୍ବକ ଉଦଘାଟନ କରିଥିଲେ | ପ୍ରଥମଲିଗ ମ୍ୟାଚରେ ଡାଇମଣ୍ଡ ଫୁଟବଲ କ୍ଲବ ଖୋର୍ଦ୍ଧା ସହିତ ବଜରଙ୍ଗୀ ଫୁଟବଲ କ୍ଲବ ଘାଟିକିଆ ଭୁବନେଶ୍ୱର ସହିତ କଡ଼ା ମୁକାବିଲା ହୋଇଥିଲା | ଖେଳର ସଂଘର୍ଷ ମଧ୍ୟରେ ଡାଇମଣ୍ଡ ଫୁଟବଲ କ୍ଲବ ଖୋର୍ଦ୍ଧା ୨-୧ରେ ବିଜୟୀ ହୋଇଥିଲା | ରେଫରୀ ଭାବେ ଭୁବନେଶ୍ୱରସ୍ଥିତ ଫୁଟବଲ ଏକାଡେମୀର ବିଜୟ ମଙ୍ଗରାଜ, ସହଯୋଗୀ ଭାବେ ଜାନି ସିଂହ ଓ ପ୍ରଫୁଲ୍ଲ ବେହେରା ତତସହିତ ଫୋର୍ଥ ରେଫରୀ ଭାବେ ବିନୋଦ କୁମାର ଗୁରୁ ଖେଳ ପରିଚାଳନା କରିଥିଲେ | ହଜାର ହଜାର ଦର୍ଶକ ଉପସ୍ଥିତ ରହି ଶାନ୍ତିଶୃଙ୍ଖଳା ସହିତ ଖେଳ ଉପଭୋଗ କରିଥିଲେ |

Social Share On:

Utkal Bulletin Is Now On WhatsApp Join And Get Latest News Updates Delivered To You Via WhatsApp

Social Share On:

Related News

You cannot copy content of this page