ରାଜ୍ୟସଭା ନିର୍ବାଚନ : ମନମୋହନ,ସୁଜିତ,ସଂତୃପ୍ତ ଓ ଦିଲ୍ଲୀପ ବିଜୟୀ

ଭୁବନେଶ୍ୱର : ରାଜ୍ୟସଭା ନିର୍ବାଚନରେ ବାଜି ମାରିଲେ ବିଜେପିର ମନମୋହନ ସାମଲ, ସୁଜିତ କୁମାର, ବିଜେଡିର ସଂତୃପ୍ତ ମିଶ୍ର ଓ ସ୍ୱାଧୀନ ପ୍ରାର୍ଥୀ ଦିଲୀପ ରାୟ । କଂଗ୍ରେସ ଓ ବିଜେଡି ମିଳିତ ପ୍ରାର୍ଥୀ ଦତ୍ତେଶ୍ୱର ହୋତା ଦିଲ୍ଲୀପଙ୍କ ଠାରୁ ପରାଜିତ ହୋଇଛନ୍ତି । ପ୍ରଥମ ପସନ୍ଦ ଭୋଟରେ ମନମୋହନ ସାମଲ ୩୫, ସୁଜିତ କୁମାର ୩୫ ଓ ସଂତୃପ୍ତ ମିଶ୍ର ୩୧ ଖଣ୍ଡ ଭୋଟ ମିଳିଥିଲା । ପ୍ରଥମ ପସନ୍ଦ ଭୋଟରେ ବିଜେପିର ମନମୋହନ, ସୁଜିତ ଓ ବିଜେଡିର ସଂତୃପ୍ତ ବିଜୟୀ ହୋଇଥିଲେ । ତେବେ ୪ର୍ଥ ଆସନ ପାଇଁ ବିଜେଡି ଓ କଂଗ୍ରେସର ମିଳିତ ପ୍ରାର୍ଥୀ ଦତ୍ତେଶ୍ୱର ହୋତା ଓ ବିଜେପି ସମର୍ଥôତ ସ୍ୱାଧୀନ ପ୍ରାର୍ଥୀ ଦିଲ୍ଲୀପ ରାୟ ମଧ୍ୟରେ ଲଢେଇ ହୋଇଥିଲା । ବିଜେଡି ଓ କଂଗ୍ରେସର ମିଳିତ ପ୍ରାର୍ଥୀ ଦତ୍ତେଶ୍ୱର ହୋତାଙ୍କୁ ୨୩ ଖଣ୍ଡ ପ୍ରଥମ ପସନ୍ଦ ଭୋଟ ମିଳିଥିଲା । ସେହିପରି ବିଜେପି ସମର୍ଥôତ ସ୍ୱାଧୀନ ପ୍ରାର୍ଥୀ ଦିଲ୍ଲୀପ ରାୟଙ୍କୁ ମଧ୍ୟ ୨୩ ଖଣ୍ଡ ଭୋଟ ମିଳିଥିଲା । କିନ୍ତୁ ବିଧାୟକଙ୍କ ଦ୍ୱିତୀୟ ପସନ୍ଦ ଭୋଟରେ ବାଜି ଓଲଟିଥିଲା । ବିଧାୟକଙ୍କ ଦ୍ୱିତୀୟ ପସନ୍ଦ ଭୋଟରେ ଦିଲ୍ଲୀପ ବାଜି ମାରିଥିଲେ । ଦତ୍ତେଶ୍ୱର ପରାଜୟ ହୋଇଥିଲେ । ରାଜ୍ୟସଭା ନିର୍ବାଚନରେ ଦିଲ୍ଲୀପ ଓ ଦତ୍ତେଶ୍ୱରଙ୍କ ମଧ୍ୟରେ କଡା ଟକ୍ଟର ଦେଖିବାକୁ ମିଳିଥିଲା । ବିଜେଡି ଓ କଂଗ୍ରେସ ଦତ୍ତେଶ୍ୱରଙ୍କୁ ଜିତାଇବା ପାଇଁ ରଣନୀତି ପ୍ରସ୍ତୁତ କରିଥିଲେ । ଅନ୍ୟପକ୍ଷରେ ଦିଲ୍ଲୀପଙ୍କୁ ଜିତାଇବା ପାଇଁ ବିଜେପି ମଧ୍ୟ ରଣ କୌଶଳ ତିଆରି କରିଥିଲା । ବିଜେପି ଓ ଦିଲ୍ଲୀପଙ୍କ ରଣ କୌଶଳ ଆଗରେ ବିଜେଡି ଓ କଂଗ୍ରେସର ରଣ ନୀତି ଫିକା ପଡିଯାଇଥିଲା । କଂଗ୍ରେସ ଓ ବିଜେଡି ବିଧାୟକଙ୍କ କ୍ରସ ଭୋଟିଂ ସବୁ ଅଙ୍କ ବିଗାଡି ଦେଇଥିଲା । କଂଗ୍ରେସର ୩ ବିଧାୟକ ଓ ବିଜେଡିର ୮ ବିଧାୟକ କ୍ରସ ଭୋଟିଂ କରିଥିଲେ । ୧୧ ବିଧାୟକଙ୍କ କ୍ରସ ଭୋଟିଂରେ ଦିଲ୍ଲୀପ ରାଜ୍ୟସଭା ଆସନ ହାତେଇଛନ୍ତି ।ରାଜ୍ୟସଭା ନିର୍ବାଚନରେ ବିଜେଡି ଓ କଂଗ୍ରେସର ଅଙ୍କ ଗୋଳମାଳ କରିଦେଲେ ୧୧ ବିଧାୟକ । କ୍ରସ୍ ଭୋଟିଂ କରି ବିଗାଡ଼ିଦେଲେ ଖେଳ । ଦଳୀୟ ନିଦେ୍ର୍ଦଶକୁ ବେଖାତିର କରି ସେମାନେ ବିଜେପି ସମର୍ଥôତ ପ୍ରାର୍ଥୀ ଦିଲ୍ଲୀପ ରାୟଙ୍କୁ ଭୋଟ୍ ଦେଇଛନ୍ତି । ବିଜେଡିରୁ ସୌଭିକ୍ ବିଶ୍ୱାଳ, ଦେବୀରଞ୍ଜନ ତ୍ରିପାଠୀ, ସୁବାସିନୀ ଜେନା, ଚକ୍ରମଣି କହଁର, ନବ କିଶୋର ମଲ୍ଲିକ, ରମାକାନ୍ତ ଭୋଇ କ୍ରସ୍ ଭୋଟିଂ କରିଛନ୍ତି ।ସେହିପରି ନିଜ ଇଚ୍ଛା ଅନୁସାରେ ଭୋଟ୍ ଦେଇଛନ୍ତି ୨ ନିଲମ୍ବିତ ବିଧାୟକ ସନା ମହାକୁଡ଼ ଓ ଅରବିନ୍ଦ ମହାପାତ୍ର । କଂଗ୍ରେସର ରମେଶ ଜେନା, ସୋଫିଆ ଫିଦେ୍ର୍ଦାସ ଓ ଦାଶରଥି ଗମାଙ୍ଗ ବି ଦଳ ସମର୍ଥôତ ପ୍ରାର୍ଥୀ ଦତ୍ତେଶ୍ୱରଙ୍କୁ ଭୋଟ୍ ଦେଇ ନାହାନ୍ତି । ସତ ହେଲା କ୍ରସ୍ ଭୋଟିଂ ଆକଳନ । ଅନୁମାନ ଓ ଆଶାକୁ ବଳିଗଲା ସଂଖ୍ୟା । ନବୀନଙ୍କ ନିଦେ୍ର୍ଦଶକୁ ଫୁ କରିଦେଲେ ୬ ବିଧାୟକ । ନିଜ ଇଚ୍ଛା ଅନୁସାରେ ଭୋଟ୍ ଦେଲେ ସନା-ଅରବିନ୍ଦ । ପାର୍ଟି ହ୍ୱିପକୁ ଖାତିର କଲେନି କଂଗ୍ରେସର ୩ ବିଧାୟକ । ଦିଲ୍ଲୀପ ରାୟଙ୍କ ସପକ୍ଷରେ ଅଜାଡି ଦେଲେ ଭୋଟ୍ । ରାଜ୍ୟସଭା ନିର୍ବାଚନରେ ବହିଲା କ୍ରସ୍ ଭୋଟିଂ ଝଡ଼ । ବିଜେଡି ବିଧାୟକ ଥାଇ ବିଜେପି ସମର୍ଥôତ ପ୍ରାର୍ଥୀଙ୍କୁ ଭୋଟ୍ ଦେଇ ସବୁଠୁ ଚର୍ଚ୍ଚିତ ଚେହେରା ପାଲଟିଛନ୍ତି ଦୁଇ ପ୍ରଭାତ ନନ୍ଦନ । ଜଣେ ବିଜେଡିରୁ ବହିଷ୍କୃତ ପ୍ରଭାତ ବିଶ୍ୱାଳଙ୍କ ପୁଅ ତଥା ଚୌଦ୍ୱାର-କଟକ ବିଧାୟକ ସୌଭିକ ବିଶ୍ୱାଳ । ଆଉ ଜଣେ ପ୍ରଭାତ ତ୍ରିପାଠୀଙ୍କ ପୁଅ ତଥା ବାଙ୍କୀ ବିଧାୟକ ଦେବୀରଞ୍ଜନ ତ୍ରିପାଠୀ । ଉଭୟେ ଦଳ ବିରୋଧରେ ଯାଇ ଦିଲ୍ଲୀପଙ୍କୁ ଭୋଟ୍ ଦେଇଛନ୍ତି । ସୌଭିକ କ୍ରସ୍ ଭୋଟିଂ କରିବେ ପୂର୍ବରୁ ଜଣା ଥିଲେ ବି ସମସ୍ତଙ୍କୁ ସରପ୍ରାଇଜ୍ କରିଦେଲେ ଦେବୀ ରଞ୍ଜନ ତ୍ରିପାଠୀ । ବିଜୁ ଲିଗାସୀକୁ ଆଗକୁ ନେବା ଓ ଅସାଧୁ ମେଣ୍ଟ ବିରୋଧରେ ମତଦାନ କରିଥିବା କହିଛନ୍ତି ଏହି ଯୁବ ବିଜେଡି ନେତା । ଏଥିସହ କଂଗ୍ରେସ ସହ ବିଜେଡିର ବୁଝାମଣାକୁ ନେଇ ସେ ପ୍ରଶ୍ନ କରିଛନ୍ତି । ଏଣେ ସୌଭିକ କହିଛନ୍ତି, ବିଜୁ ବାବୁଙ୍କ ଆଶୀର୍ବାଦ ଯାହାଙ୍କ ପ୍ରତି ଅଛି ତାଙ୍କୁ ଭୋଟ୍ ଦେଇଛି । ବାପାଙ୍କ ପ୍ରତି ଅତ୍ୟାଚାର ହୋଇଥିଲା, ତାର ପ୍ରତିଶୋଧ ନେଇଛି । ବାପାଙ୍କୁ ବହିଷ୍କାର କରିଥିଲେ, ମୋତେ କାହିଁକି କଲେନି ବୋଲି ସିଧା ନେତୃତ୍ୱଙ୍କୁ ଚ୍ୟାଲେଞ୍ଜ ଫିଙ୍ଗିଛନ୍ତି ସୌଭିକ୍ । କେବଳ ଏହି ଦୁଇ ଜଣ ନୁହଁ ବିଜେଡିର ଏକାଧକ ବିଧାୟକ କ୍ରସ୍ ଭୋଟିଂ କରିଛନ୍ତି । ଚକମା ଦେଇଦେଲେ ବସ୍ତା ବିଧାୟିକା ତଥା ଏବେ ଏବେ ବିଜେପିରେ ମିଶିଥିବା ପୂର୍ବତନ ସାଂସଦ ରବୀନ୍ଦ୍ର ଜେନାଙ୍କ ପନôୀ ସୁବାସିନୀ ଜେନା । ନବୀନଙ୍କ ନିଦେ୍ର୍ଦଶକୁ ମାନିବେ ବୋଲି ସବୁବେଳେ କହି ଆସୁଥିଲେ ବି ଶେଷରେ କ୍ରସ୍ ଭୋଟିଂ କରିଛନ୍ତି । ସେହିପରି ବିଜେଡି ରାଡାର ବାହାରେ ଥାଇ ଧରାଛୁଆଁ ଦେଉ ନଥିବା ବାଲିଗୁଡା ବିଧାୟକ ଚକ୍ରମଣି କହଁର, ଜୟଦେବ ବିଧାୟକ ନବକିଶୋର ମଲ୍ଲିକ ଓ ତିର୍ତ୍ତୋଲ ବିଧାୟକ ରମାକାନ୍ତ ଭୋଇ ବି କ୍ରସ୍ ଭୋଟିଂ କରିଛନ୍ତି । ଏମାନଙ୍କ ସହ ଦଳରୁ ନିଲମ୍ବିତ ଦୁଇ ବିଧାୟକ ସନାତନ ମହାକୁଡ଼ ଓ ଅରବିନ୍ଦ ମହାପାତ୍ର ବି ନିଜ ଭୋଟ୍ ଦିଲ୍ଲୀପ ରାୟଙ୍କୁ ଦେଇଛନ୍ତି । ଭୋଟ୍ ଦେବା ପରେ ବିଜେଡି ବିରୋଧରେ ସନା ବର୍ଷିଥିବା ବେଳେ ସୁବାସିନୀ କହିଥିଲେ ସୁପ୍ରିମୋଙ୍କ ନିଦେ୍ର୍ଦଶରେ ଭୋଟ୍ ଦେଇଛି । କଂଗ୍ରେସର ୩ ବିଧାୟକ କ୍ରସ ଭୋଟିଂ କରିଥିବା ସ୍ପଷ୍ଟ କରିଛନ୍ତି ପିସିସି ସଭାପତି ଭକ୍ତ ଦାସ ।