ଦଶମତମ ଦେବ ପ୍ରସାଦ ଉତ୍ସବ ଅନୁଷ୍ଠିତ

ଭୁବନେଶ୍ୱର: ଗୁରୁ ଦେବପ୍ରସାଦ ଦାସ ଫାଉଣ୍ଡେସନ ଆନୁକୁଲ୍ୟରେ ଦଶମତମ ଦେବ ପ୍ରସାଦ ଉତ୍ସବ ରବିନ୍ଦ୍ର ମଣ୍ଡପଠାରେ ଆରମ୍ଭ ହୋଇଛି। ମହାନ ଓଡ଼ିଶୀ ନୃତ୍ୟଗୁରୁ ଡ଼ଃ ଦେବପ୍ରସାଦ ଦାସଙ୍କର ୯୩ ତମ ପୂଣ୍ୟଜନ୍ମ ତିଥି ଉଦ୍ଦେଶ୍ୟରେ ଏହି କାର୍ଯ୍ୟକ୍ରମ ପାଳିତ ହୋଇଛି । ପ୍ରଥମ ସନ୍ଧ୍ୟୋର ଦେବପ୍ରସାଦ ଦାସ ଫାଉଣ୍ଡେସନ୍‌ର ଛାତ୍ରୀମାନଙ୍କ ଦ୍ୱାରା ମଙ୍ଗଳାଚରଣ ପରିବେଷଣ ହୋଇଥିଲା। ଯାହା ଗୁରୁଙ୍କ ପୁରାତନ ସଂରଚନାକୁ ପରିବେଷଣ କରିଥିଲେ। ତାହା ଚିତାଆକର୍ଷକ ହୋଇଥିଲା। ତା’ପରେ ପ୍ରଜ୍ଞା ପ୍ରତିଷ୍ଠିତା ମହାନ୍ତି, ରବି ଶଙ୍କର ମାଝୀ, ସତ୍ୟପ୍ରକାଶ ସାହୁ ଏବଂ ଗୋକୁଳଶ୍ରୀ ଦାସ ଓଡ଼ିଶୀ ନୃତ୍ୟ ପରିବେଷଣ କରିଥିଲେ। ଦେବଦାସୀ ଗାଥା ବୃତ୍ତ ଚିତ୍ର ପ୍ରଦର୍ଶିତ ହୋଇଥିଲା। ଏହା ଦଶର୍କଙ୍କ ଦ୍ୱାରା ଆଦୃତି ହୋଇଥିଲା। ସଭାରେ ଅତିଥିଙ୍କ ସମ୍ମୁଖରେ ଗୁରୁ ଦେବପ୍ରସାଦ ଦାସଙ୍କ ଉପରେ ଏକ ବୃତ୍ତଚିତ୍ର ପ୍ରସ୍ତୁତ ହୋଇଛି (“A Gandharva incarnated”) ତାହାର Teller ପ୍ରଦର୍ଶିତ ହୋଇଥିଲା। ଏହା ଆଗାମୀ ମାସ ନଭେମ୍ବରରେ ମୁକ୍ତିଲାଭ ହେବାକୁ ଯାଇଛି। ଏହି ସନ୍ଧ୍ୟାରେ ମୁଖ୍ୟଅତିଥି ଭାବେ ନବଚରଣ ମାଝି, ଏମ୍‌ପି, ମୟୁରଭଞ୍ଜ, ପ୍ରକାଶ ସୋରେନ୍‌, ଏମ୍‌ଏଲ୍‌ଏ ମୟୁରଭଞ୍ଜ, ଚନ୍ଦ୍ରେଶଖର ହୋତା, ସଚିବ ସଙ୍ଗୀତ ନାଟକ ଏକାଡେମୀ ଏବଂ ନିର୍ଭୟର ସଂପାଦକ ନବୀନ ଦାସ ଯୋଗ ଦେଇଥିଲେ। ଫାଉଣ୍ଡେସନ୍ ତରଫରୁ ସଭାପତି ଗୋପାଳକୃଷ୍ଣ ମହାପାତ୍ର ଓ ଉପସଭାପତି ନମ୍ରତା ଚଚ୍ଚାଙ୍କ ତତ୍ତ୍ୱାବଧାନରେ କାର୍ଯ୍ୟକ୍ରମ ସୁଚାରୂରୂପେ ପରିଚାଳିତ ହୋଇଥିଲା । ପ୍ରଥମ ସନ୍ଧ୍ୟାରେ କାର୍ଯ୍ୟକ୍ରମକୁ ଅନନ୍ୟା ମିଶ୍ର ପରିଚାଳନା କରିଥିଲେ ଓ ଶେଷରେ ଡ଼ଃ ଆଶିଷ ମହାପାତ୍ର ଧନ୍ୟବାଦ ଅପର୍ଣ କରିଥିଲେ।

Social Share On:

Utkal Bulletin Is Now On WhatsApp Join And Get Latest News Updates Delivered To You Via WhatsApp

Social Share On:

Related News

You cannot copy content of this page