ବିଶିଷ୍ଟ ଶିକ୍ଷାବିତ୍ ବି.ରଙ୍ଗନାଥନ୍ ଙ୍କ ଜୟନ୍ତୀ ପାଳିତ

ଚିଲିକା: ଓଡ଼ିଶାର ବିଶିଷ୍ଟ ଶିକ୍ଷାବିତ୍, ଇଂରାଜୀ ଭାଷାତତ୍ତ୍ଵବିତ୍ ତଥା ଭିଷ୍ମଗିରୀ ଓ ନାଚୁଣୀ କଲେଜର ପ୍ରାକ୍ତନ ଅଧ୍ୟକ୍ଷ ବି.ରଙ୍ଗନାଥନଙ୍କ ୧୧୮ତମ ଜୟନ୍ତୀ ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ଅନ୍ତର୍ଗତ ନାଚୁଣୀ ଠାରେ ଚିଲିକା ପୂଜ୍ୟପୂଜା ସଂସଦ ଆନୁକୂଲ୍ୟରେ ବିଶ୍ୱକର୍ମ। ଆଞ୍ଚଳିକ ସଂଘ ସମ୍ମିଳନୀ କକ୍ଷରେ ପାଳିତ ହୋଇଯାଇଅଛି। ପ୍ରାରମ୍ଭରେ ଜୟନ୍ତୀ ସଭାରେ ଯୋଗ ଦେଇଥିବା ଅତିଥି ଓ ତାଙ୍କର ଶୁଭେଚ୍ଛୁମାନେ ବି.ରଙ୍ଗନାଥନଙ୍କ ତୈଳଚିତ୍ରରେ ଧୂପପୁଷ୍ପ ଅର୍ପଣ କରିବା ସହ ପ୍ରଦୀପ ପ୍ରଜ୍ଜୋଳନ କରି ଜୟନ୍ତୀ ସଭାର ଶୁଭାରମ୍ଭ କରିଥିଲେ l ନାଚୁଣୀ କଲେଜର ପ୍ରାକ୍ତନ ଲାଇବ୍ରେରୀଆନ୍ ରାମଚ଼ନ୍ଦ୍ର ମାର୍ଥାଙ୍କ ସଭାପତିତ୍ୱରେ ଓ ଚିଲିକା ପୂଜ୍ୟପୂଜା ସଂସଦର ସଭାପତି ଦିଲ୍ଲୀପ କୁମାର ଶତପଥୀଙ୍କ ସଂଯୋଜନାରେ ଅନୁଷ୍ଠିତ ଜୟନ୍ତୀ ସଭାରେ ମୁଖ୍ୟ ଅତିଥି ଭାବେ କଲେଜର ପ୍ରତିଷ୍ଠାତା ତଥା ଚିଲିକାର ପୂର୍ବତନ ବିଧାୟକ ଡାକ୍ତର ବିଭୂତି ଭୂଷଣ ହରିଚ଼ଳନ,ମୁଖ୍ୟବକ୍ତା ଭାବେ ଓଡିଶା ଉଚ୍ଚ ମାଧ୍ୟମିକ ଶିକ୍ଷକ ସଂଘର ପୂର୍ବତନ ରାଜ୍ୟ ସଭାପତି ତଥା ସମାଜର ବରିଷ୍ଠ ସାମ୍ବାଦିକ ପଦ୍ମନାଭ ବିଶ୍ୱାଳ ଓ ସମ୍ମାନୀତ ଅତିଥି ଭାବେ ଶ୍ରୀ ସତ୍ୟସାଇ ସେବା ସଂଗଠନର ଖୋର୍ଦ୍ଧା ଜିଲ୍ଲା ସଭାପତି ବ୍ରଜସୁନ୍ଦର ମିଶ୍ର ଯୋଗଦେଇ ବି.ରଙ୍ଗନାଥନ୍ ଙ୍କୁ ଜଣେ ସତ୍ୟନିଷ୍ଠ, କର୍ତ୍ତବ୍ୟ ପରାୟଣତା, ସମୟାନୁବର୍ତ୍ତିତ। ତଥା ଦକ୍ଷ ପ୍ରଶାସକ ଭାବେ ଅବହିତ କରିବା ସହିତ ଦୀଘ୍ର ୬୫ ବର୍ଷ ଧରି ଓଡ଼ିଶା ତଥା ଚିଲିକା-ବାଣପୁର ଅଞ୍ଚଳର ଶିକ୍ଷାର ବିକାଶରେ ତାଙ୍କର ଯେଉଁ ଅବଦାନ ତାହା ସଦାସର୍ବଦା ସ୍ମରଣୀୟ ହୋଇ ରହିବା ସହ ଏ ଅଞ୍ଚଳବାସୀ ତାଙ୍କ ପାଖରେ ଚୀର ରୁଣୀ ବୋଲି କହିଥିଲେ । ଭକ୍ତ ସଭାରେ ଅନ୍ୟମାନଙ୍କ ମଧ୍ୟରେ ନାଚୁଣୀସ୍ଥ ବରିଷ୍ଠ ନାଗରିକା ସଂଘ ସଭାପତି ଅଶ୍ୱିନୀ କୁମାର ମହାପାତ୍ର, ଅଧ୍ୟାପକ ଗୋଲକ ବିହାରୀ ବାରିକ, ଯୁବଜ୍ୟାତି ହାଇସ୍କୁଲର ପ୍ରଧାନ ଶିକ୍ଷକ ଆଶିଷ କୁମାର ପତି, ଶିକ୍ଷକ ଦୁଃର୍ଯ୍ୟୋଧନ ପ୍ରଧାନ, ନାଚୁଣୀ କଲେଜର ପ୍ରାକ୍ତନ ମୁଖ୍ୟ କିରାଣୀ ଦେବେନ୍ଦ୍ରନାଥ ମହାରଥୀ, ସଂଗୀତଜ୍ଞ ଅଜିତ୍ କୁମାର ମିଶ୍ର ଓ ଶ୍ରମିକ ନେତା ପଞ୍ଚାନନ ମହାରଣା ପ୍ରମୁଖ ଯୋଗ ଦେଇ ତାଙ୍କ ବହୁମୁଖୀ ପ୍ରତିଭା ଉପରେ ଆଲୋକ ପାତ କରିଥିଲେ।ଜୟନ୍ତୀ ସଭାରେ ପ୍ରତିବର୍ଷ ପରି ଚଳିତ ବର୍ଷ ଜଣେ କୃତି ଶିକ୍ଷକଙ୍କୁ ସମ୍ୱର୍ଦ୍ଧିତ କରାଯାଇଥିଲା। ଚଳିତ ବର୍ଷ ଗଞ୍ଜାମ ଜିଲ୍ଲା ଖଲ୍ଲି କୋଟ ବ୍ଳକ ଅନ୍ତର୍ଗତ ବିରିପୁରସ୍ଥ ପୂର୍ଣ୍ଣଚନ୍ଦ୍ର ମର୍ଦ୍ଦରାଜ ସରକାରୀ ହାଇସ୍କୁଲର ପ୍ରଧାନ ଶିକ୍ଷକ ପ୍ରମୋଦ କୁମାର ପଣ୍ଡାଙ୍କୁ ମୁଖ୍ୟ ଅତିଥି ପୂର୍ବତନ ବିଧାୟକ ଡାକ୍ତର ବିଭୂତି ଭୂଷଣ ହରିଚନ୍ଦନ ଓ ଅନ୍ୟ ଅତିଥିମାନେ ମାନପତ୍ର, ଉପଢୌକନ ଓ ପୁଷ୍ପମାଲ୍ୟ ଦେଇ ସମ୍ବର୍ଦ୍ଧତ କରିଥିଲେ। ପରିଶେଷରେ ଅନ୍ୟବାଦ ଦେଇଥିଲେ ଚିଲିକା ପୂଜାପୂଜା ସଂସଦର ସଭାପତି ଦିଲ୍ଲୀପ କୁମାର ଶତପଥୀ I

Social Share On:

Utkal Bulletin Is Now On WhatsApp Join And Get Latest News Updates Delivered To You Via WhatsApp

Social Share On:

Related News

You cannot copy content of this page