ଭୁବନ: ପବିତ୍ର କାର୍ତ୍ତିକ ମାସରେ ସାମାଜିକ ଅନୁଷ୍ଠାନ ଉତ୍କଳ ବୁଲେଟିନ ଚାରିଟେବଲ ଟ୍ରଷ୍ଟ ପକ୍ଷରୁ ଢ଼େଙ୍କାନାଳ ଜିଲ୍ଲା ଭୁବନ ବ୍ଲକରେ ପ୍ରଭୁ ଶ୍ରୀ ଶ୍ରୀ ବୁଦ୍ଧେଶ୍ୱର ମହାଦେବଙ୍କ ମନ୍ଦିର ପ୍ରାଙ୍ଗଣ ଓ ଚତୁଃପାଶ୍ୱର୍ ସଫେଇ କାର୍ଯ୍ୟକ୍ରମ କରାଯାଇଥିବା ଦେଖିବାକୁ ମିଳିଛି। ରବିବାର ଦିନ ସକାଳୁ ସମସ୍ତ ସଦସ୍ୟ ଏକତ୍ରିତ ହୋଇ ସଫେଇ କାର୍ଯ୍ୟକ୍ରମ ଆରମ୍ଭ କରିଥିବା ଦେଖିବାକୁ ମିଳିଛି। ଏହି ମନ୍ଦିର
ସଫେଇ କାର୍ଯ୍ୟକ୍ରମରେ ବରିଷ୍ଠ ସ୍ୱେଚ୍ଛାସେବୀ ସତ୍ୟବାଦୀ ରଣା, ସାମ୍ବାଦିକ ତଥା ସମାଜସେବୀ ବିମଳ କୁମାର ରଣାଙ୍କ ସହ ସ୍ୱେଚ୍ଛାସେବୀ ବିକ୍ରମ ରଣା, କୈଳାସ ବେହେରା, ପଂଚାନନ ସେନାପତି, ରଂଜନ କୁମାର ସେଠୀ, ସୌଭାଗ୍ୟ ସେନାପତି, ଶ୍ରୀଜିତ୍ ସେନାପତି, ମଳୟ ସେଠୀ, ଲୁଲୁ ସେଠୀ, ପବିତ୍ର ସେଠୀ, ଶତ୍ରୁଘ୍ନ ମହାନ୍ତ, କମଳ ମହାନ୍ତ, ଜଗନ ସେନାପତି, ଭାଗବତ ସେଠୀ ପ୍ରମୁଖ ଉପସ୍ଥିତ ରହି
ମନ୍ଦିରର ଚତୁଃପାଶ୍ୱର୍ର ପରିସ୍କାର କରିଥିଲେ। ଏହିପରି କାର୍ଯ୍ୟ ସମସ୍ତ ଯୁବକମାନେ କରିବାକୁ ଆଗେଇ ଆସିଲେ ପରିବେଶ ଆହୁରି ସୁସ୍ଥ ଓ ସୁନ୍ଦର ରହିବ। ଏହା ଆମ ସମାଜ ଉପରେ ଖୁବ୍ ଭଲ ପ୍ରଭାବ ପକାଇବ। ଆଗକୁ ଏହିପରି ସେବାକାର୍ଯ୍ୟ ଜାରି ରହିବ ବୋଲି ଟ୍ରଷ୍ଟ ବରିଷ୍ଠ ସ୍ୱେଚ୍ଛାସେବୀ ସତ୍ୟବାଦୀ ରଣା ପ୍ରକାଶ କରିଛନ୍ତି।
ବିମଳ କୁମାର ରଣାଙ୍କ ରିପୋର୍ଟ ଉତ୍କଳ ବୁଲେଟିନ
