ଏକାମ୍ର ବାଲିଯାତ୍ରା ୭ମ ଶୀତୁଆ ସନ୍ଧ୍ୟIରେ ହ୍ୟୁମାନ ସାଗର, ସିଦ୍ଧାନ୍ତ ମହIପାତ୍ର ଙ୍କ କ୍ରେଜ୍ ଦେଖିବକୁ ମିଳିଥିଲା। ବାଙ୍କୁଆଳ ନଦୀ ପଠାରେ ଗଲା 15 ତାରିଖ କାର୍ତ୍ତିକ ପୂର୍ଣ୍ଣିମାଠାରୁ ଆରମ୍ଭ ହୋଇ ଆସୁଥିବା ଏକାମ୍ର ବାଲିଯାତ୍ରା ୭ମ ଶୀତୁଆ ସାନ୍ଧ୍ୟକୁ କୁନି କୁନି ପିଲାମାନଙ୍କ ଦ୍ଵାରା ପାଇକ ବିଦ୍ରୋହ ନୃତ୍ୟ ମାଧ୍ୟମରେ ବର୍ଣ୍ଣନା ଦର୍ଶକ ବିମୋହିତ। କାହାଣୀ ଓ ଚିତ୍ରନାଟ୍ୟ ଗୁରୁ ଯୋଗେନ୍ଦ୍ର ସେଠୀଙ୍କ ଦ୍ଵାରା ଏହି ନୃତ୍ୟକୁ ଚଢେଇବର ପ୍ରାଥମିକ ବିଦ୍ୟାଳୟ କୁନି ଛାତ୍ରମାନେ ପରିବେଷଣ କରିଥିଲେ। ଏହି ଅବସରରେ ଯାତ୍ରା ଓ ସିନେମା ଜଗତର ନିର୍ଦ୍ଦେଶକ ଲାଲ ବିରେନ୍ ରାୟଙ୍କୁ ସମ୍ବର୍ଦ୍ଧିତ କରାଯାଇଥିଲା । ପରେ ଓଡ଼ିଆ ସୁନାମଧନ୍ୟ କଣ୍ଠଶିଳ୍ପୀ ହ୍ୟୁମାନ ସାଗରଙ୍କ ମା ତୋ ବିନା ମୁଁ ରହି ପାରିବିନି” ” ଚିରିଙ୍ଗ ଚିରିଙ୍ଗ” “ଭିଜେଇ ଯାଆ ଥରେ, ପ୍ରିୟ ତୋ ପ୍ରେମ ବର୍ଷାରେ ଆଦି ଅନେକ ବେଶ୍ ଲୋକପ୍ରିୟ ଗୀତ ଗାଇ ଶୀତୁଆ ସନ୍ଧ୍ୟାକୁ ଗରମ କରିଦେଇଥଲେ । ଏନେଇ ବାଙ୍କୁଆଳ, କେଶୁରା, କୋରଡକଣ୍ଟା, ଦୁର୍ଗାପୁର ପାଟଣା ଏବଂ ବାସୁଆଘାଇ ଗ୍ରାମର ଯୁବଗୋଷ୍ଠୀଙ୍କୁ ନେଇ ଏହି ବାଲିଯାତ୍ରା ମହୋତ୍ସବ ଆୟୋଜନ କରାଯାଇଛି। ବାଲିଯାତ୍ରା ମହୋତ୍ସବର ବିଭିନ୍ନ ଷ୍ଟଲ୍ ଓ ବିଭିନ୍ନ ସ୍ଥାନରେ ୬୪ ଟି (ସିସିଟିଭି) ଲଗାଯାଇଛି । ରାମ ଦୋଳି, ଡାର୍ଗନ୍ ଦୋଳି, ମିକି ମାଉସ , ବ୍ରେକ୍ ଡ୍ୟାନ୍ସ, ବୋଟିଂ, ମନ ହରି ଖେଳନା ଦୋକାନ ସାଙ୍ଗକୁ ବିଭିନ୍ନ ଶୁ ସୁଆଦୁ ଖାଇବା ଷ୍ଟଲ୍, ଗୃହ ଉପକରଣ ସାମଗ୍ରୀ ଆଦି
ମିନାବଜାରରେ ଉପଲବ୍ଧ । ଏହି ବାଲିଯାତ୍ରା ଦେଖିବା ପାଇଁ ଆଖ ପାଖ ଅଞ୍ଚଳ ତଥା ବାହାରୁ ମଧ୍ୟ ଲୋକଙ୍କର ଅସମ୍ଭାଳ ଭିଡ ଦେଖୁବାକୁ ମିଳିଥିଲା। ଭିଡ଼କୁ ଲକ୍ଷ କରି ଅଞ୍ଚଳର ଯୁବ ଗୋଷ୍ଟି ମାନେ ଓ ବରଗଡ଼ ଥାନା ପୁଲିସଙ୍କ ମିଳିତ ସହଯୋଗରେ ଟ୍ରାଫିକ ବ୍ୟବସ୍ଥାକୁ ସୁଚIରରୂପେ ଆୟତ କରିଥିଲେ। ବାଲିଯାତ୍ରା କମିଟିର ସମ୍ପାଦକ କବିରାଜ ସ୍ବାଇଁ ଓ ସଦସ୍ୟ ପବିତ୍ର ସ୍ୱାଇଁ, ବିଜୟ ପ୍ରଧାନ, ଦିଲ୍ଲୀପ ସାହୁ, ଗଙ୍ଗାଧର ପଣ୍ଡା ବାଲିଯାତ୍ରା କାର୍ଯ୍ୟନିର୍ବାହ କରିଥିବା ସମସ୍ତ ସଦସ୍ୟମାନଙ୍କୁ ମଞ୍ଚରେ ସମ୍ମାନୀତ କରିଥିଲେ। ପରେ ମୁଖ୍ୟ ଅତିଥିଭାବେ ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ ଏବଂ ବାଲିଯାତ୍ରା କମିଟିର ସଭାପତି ତଥା ଏକାମ୍ର ବିଧାୟକ ବାବୁ ସିଂ ଯୋଗଦେଇ ସପ୍ତମ ସନ୍ଧ୍ୟାର ଉତ୍ସବକୁ ଶୁଭାରମ୍ଭ କରିଥିଲେ। ଯୁବ ମୋର୍ଚ୍ଚା ରାଜ୍ୟ ସଭାପତି ଅଭିଳାଷ ପଣ୍ଡା, କ୍ଷୀରୋଦ ସ୍ବାଇଁ, ସମିତି ସଭ୍ୟ ପ୍ରକାଶ ସ୍ବାଇଁ, ଯୁବ ନେତା କୃଷ୍ଣଚନ୍ଦ୍ର ନାୟକ, ସୁରେନ ବରାଳ, ଅଜୟ ସ୍ବାଇଁ, ଅକ୍ଷୟ ଜେନା, ପ୍ରକାଶ ନାୟକ, ରାଜ୍ୟ କାର୍ଯ୍ୟକାରିଣୀ ସଦସ୍ୟା ମନସ୍ମିତା ଖୁଣ୍ଟିଆ, ଭୁବନେଶ୍ବର ସଭାପତି ସ୍ୱୟଂ ସେବକ ରାୟ, ସମାଜସେବୀ ପ୍ରକାଶ ସିଂ ପ୍ରମୁଖ ଉପସ୍ଥିତ ଥିଲେ। ଇତିହାସର ପୃଷ୍ଠାକୁ ପୁନଃଜୀବିତ କରିବା ଏକାମ୍ରକ୍ଷେତ୍ର ବାଲିଯାତ୍ରା ମହୋତ୍ସବର ମୂଳ ଲକ୍ଷ୍ୟ ବୋଲି ମତ ପ୍ରକାଶ ପାଇଥିଲା । ଓଡ଼ିଆ ଚଳଚିତ୍ର ଅଭିନେତା ତଥା ବିଧାୟକ ସିଦ୍ଧାନ୍ତ ମହାପାତ୍ର ଯୋଗଦେଇଥିଲେ।
