ଗ୍ୟାସ ପାଇଁ ସବୁଠି ହାହାକାର

ମଧ୍ୟପ୍ରାଚ୍ୟ ଯୁଦ୍ଧ ମଧ୍ୟରେ ଭାରତରେ ସୃଷ୍ଟି ହୋଇଥିବା ଏଲପିଜି ସଙ୍କଟକୁ ସରକାର ଟାଳି ଦେଇଥିବା ଦାବି କରିଛନ୍ତି । ଇରାନ ଯୁଦ୍ଧ ଦ୍ୱିତୀୟ ସପ୍ତାହରେ ପ୍ରବେଶ କରିବା ମାତ୍ରେ ଭାରତରେ ଏଲପିଜି ସିଲିଣ୍ଡର ସଙ୍କଟ ଦେଖା ଯାଇଥିଲା । ମୁମ୍ବାଇ ଠାରୁ ଆରମ୍ଭ କରି ଓଡ଼ିଶାରେ ଲୋକମାନେ ଠିକ ଭାବେ ସିଲିଣ୍ଡର ପାଉ ନଥିବା ଅଭିଯୋଗ କରିଥିଲେ । କିଛି ସ୍ଥାନରେ କମର୍ସିଆଲ ଗ୍ୟାସ ଅଭାବରରୁ ରେଷ୍ଟୁରାନ୍ଟ ଓ ହୋଟେଲରେ ତାଲା ପଡ଼ିଥିବା ରିପୋର୍ଟ ମଧ୍ୟ ଆସିଥିଲା । ସ୍ଥିତି ସାଂଘାତିକ ରୂପ ଧାରଣ କରିବାର ଆଶଙ୍କା ପ୍ରକାଶ ପାଇଥିଲେ ହେଁ ସରକାର ସବୁ କିଛି ସୁଧାରି ଦେଇଥିବା କହିଛନ୍ତି । ଏଥିସହ ଦିନକରେ ଏଲପିଜି ଉତ୍ପାଦନ ୧୦% ବଢ଼ିଥିବା ମଧ୍ୟ ସରକାର ଦାବି କରିଛନ୍ତି । ସରକାର ମଙ୍ଗଳବାର ଦାବି କରିଛନ୍ତି ଯେ ଦେଶରେ ଏଲିପିଜିର କୌଣସି ଅଭାବ ନାହିଁ । ବ୍ୟବସାୟିକ ସିଲିଣ୍ଡର ଯୋଗାଣକୁ ନେଇ ଚିନ୍ତା ପ୍ରକାଶ ପାଇବା ପରେ ଏହାକୁ ସାମାଧାନ କରାଯାଇଛି । ଯୋଗାଣରେ ଏବେ ସ୍ଥିରତା ଆସିଛି ।ବିଭିନ୍ନ ରିଫାଇନାରୀ ଏଲପିଜି ଉତ୍ପାଦନ ଆଜି ପ୍ରାୟ ୧୦% ବୃଦ୍ଧି କରିଛନ୍ତି । ସୋମବାର ରାତିରେ ଉତ୍ପାଦନ ପାଇଁ ସରକାରଙ୍କ ପକ୍ଷରୁ ନିଦେ୍ର୍ଦଶ ଦିଆଯାଇଥିଲା ।କଳାବଜାରୀ ଓ ହେରଫେର ରୋକିବାକୁ ଅତିରିକ୍ତ ଭାବେ ପ୍ରଶାସନିକ ପଦକ୍ଷେପ ମଧ୍ୟ ଗ୍ରହଣ କରାଯାଇଥିବା ସରକାରଙ୍କ ପକ୍ଷରୁ କୁହାଯାଇଛି । ସରକାରଙ୍କ କହିବା କଥା ଯେ ଏଲପିଜି ବପହଞ୍ଚି ପାରିବ, ତା’ର ବ୍ୟବସ୍ଥା ହୋଇଛି ।ଅସ୍ଥାୟୀ ଭାବେ ଚିନ୍ତା ପ୍ରକାଶ ପାଇଥିଲା । କିନ୍ତୁ ଏବେ ସବୁ ସମସ୍ୟାର ସମାଧାନ କରାଯାଇଛି । ଯୋଗାଣାରେ ସ୍ଥିରତା ବଜାୟୀ ରଖିବା ପାଇଁ ସବୁ ରିଫାଇନାରୀ ୧୦୦% କ୍ଷମତାର ସହ କାମ କରୁଛନ୍ତି । ଲୋକମାନେ ଆଦୌ ବିଚଳିତ କିମ୍ବା ବ୍ୟସ୍ତ ହୁଅନ୍ତୁ ନାହିଁ ବୋଲି ସରକାରଙ୍କ ପକ୍ଷରୁ ଆଶ୍ୱସନା ଦିଆଯାଇଛି । ସରକାରୀ ଅଧିକାରୀଙ୍କ କହିବା କଥା ଯେ ଶକ୍ତି ଯୋଗାଣରେ ଭାରତରିଟେଲ ଆଉଟଲେଟକୁ ବିତରଣ ପ୍ରକ୍ରିୟା ତଥା ଯୋଗାଣ ଶୃଙ୍ଖଳିତ କରିବା ଉପରେ ଆଲୋଚନା ହୋଇଥିଲା ।ଖାଉଟିମାନଙ୍କୁ ରନ୍ଧନ ଗ୍ୟାସ, ପେଟ୍ରୋଲ ଓ ଡିଜେଲ ଯୋଗାଣ କ୍ଷେତ୍ରରେ କୌଣସି ସମସ୍ୟା ନଥିବା ନେଇ ତୈଳ କମ୍ପାନୀଗୁଡ଼ିକ ସ୍ପଷ୍ଟ କରିଛନ୍ତି । ସେହିପରି ଡାକ୍ତରଖାନା ଓ ଶିକ୍ଷାନୁଷ୍ଠାନଗୁଡ଼ିକ ପାଇଁ ମଧ୍ୟ ରନ୍ଧନ ଗ୍ୟାସ୍ ଯୋଗାଣ ସ୍ୱାଭାବିକ ରହିଛି । ସୁବିଧାରେ ରନ୍ଧନ ଗ୍ୟାସ ଓ ଇନ୍ଧନ ତୈଳ ଉପଲବ୍ଧ କରାଇବା ପାଇଁ ସପ୍ଲାଏ ଚେନରେ ସନ୍ତୁଳନ ବଜାୟ ରଖିବାକୁ ମୁଖ୍ୟ ସଚିବ ଶ୍ରୀମତୀ ଗର୍ଗ ନିଦେ୍ର୍ଦଶ ଦେଇଛନ୍ତି ।ଏହାସହିତ ଉଭୟ ଯୋଗାଣ ବିଭାଗ ଓ ତୈଳ କମ୍ପାନୀଗୁଡ଼ିକ ବିଭିନ୍ନ ମାଧ୍ୟମରେ ଉପଲବ୍ଧ ସୂଚନା ଜାରି କରି ସାଧାରଣ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବାକୁ କୁହାଯାଇଛି । ତୈଳ କମ୍ପାନୀଗୁଡ଼ିକ କେନ୍ଦ୍ର ସରକାରଙ୍କୁ ପ୍ରଦାନ କରୁଥିବା ଦୈନିକ ରିପୋର୍ଟକୁ ଏଣିକି ରାଜ୍ୟ ସରକାରଙ୍କ ଯୋଗାଣ ବିଭାଗକୁ ମଧ୍ୟ ପ୍ରଦାନ କରିବାକୁ ନିଦେ୍ର୍ଦଶ ଦିଆଯାଇଛି ।ଅନ୍ୟପକ୍ଷରେ ହୋଟେଲ ମାଲିକ ଜେକେ ମହାନ୍ତି କହିଛନ୍ତି ଯେ,ଏଲପିଜି ଅତ୍ୟାବଶ୍ୟକ ସେବାରେ ଆସୁଛି । ହୋଟେଲ, ଢାବା, ରେଷ୍ଟୁରାନ୍ଟ ସମସ୍ତେ ବ୍ୟବସାୟିକ ଗ୍ୟାସ୍ ବ୍ୟବହାର କରୁଛନ୍ତି । ହଠାତ୍ ସରକାର ଏହାକୁ ବନ୍ଦ କରିଦେଲେ ହୋଟେଲ ଇଣ୍ଡଷ୍ଟ୍ରି ବହୁତ ପ୍ରଭାବିତ ହେବ । ବେଙ୍ଗାଲୁରୁ ଓ ଚେନ୍ନାଇ ଭଳି ମେଟ୍ରୋ ସହରଗୁଡ଼ିକରେ ଏହାର ପ୍ରଭାବ ପଡ଼ିସାରିଲାଣି ଓ ଗ୍ୟାସ କଂପାନୀମାନେ ଗ୍ୟାସ ବ୍ୟବହାର କମାଇବା ପାଇଁ ଚିଠି ଲେଖୁଛନ୍ତି । ଆମର ଅଧିକାଂଶ ହୋଟେଲରେ ମାତ୍ର ୭ରୁ ୮ ଦିନ ପାଇଁ ଗ୍ୟାସ ମହଜୁଦ ଅଛି ଓ ଯଦି ସମସ୍ୟାର ସମାଧାନ ନହୁଏ, ତେବେ ସରକାର କୋଇଲା ବା ଚାରକୋଲ ବ୍ୟବହାର ପାଇଁ ଅନୁମତି ଦେବା ଉଚିତ୍ ବୋଲି ସେ ଦାବି କରିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ଗ୍ୟାସ ସଙ୍କଟ ହେଲେ ହୋଟେଲ ଶିଳ୍ପ ପ୍ରଭାବିତ ହେଲେ ପର୍ଯ୍ୟଟନ କ୍ଷେତ୍ର ମଧ୍ୟ ବାଧାପ୍ରାପ୍ତ ହେବ । ଓଡ଼ିଶାର ହୋଟେଲ ଇଣ୍ଡଷ୍ଟ୍ରିରେ କାର୍ଯ୍ୟରତ ୫୦ ହଜାର କର୍ମଚାରୀଙ୍କ ଛୁଟି ହୋଇଯିବ ବୋଲି ସେ ଚେତାବନୀ ଦେଇଛନ୍ତି ।

Social Share On:

Utkal Bulletin Is Now On WhatsApp Join And Get Latest News Updates Delivered To You Via WhatsApp

Join Now

ଗ୍ୟାସ ପାଇଁ ସବୁଠି ହାହାକାର

Social Share On:

Social Share On:

Related News

Politics

Entertainment

ତ୍ୱରିତ ଲିଙ୍କ

ଶୀର୍ଷ ବର୍ଗଗୁଡ଼ିକ

ଟ୍ରେଣ୍ଡିଂ ଖବର

ଟ୍ରାଫିକ ନିୟନ୍ତ୍ରଣ ପାଇଁ ଡିଏସପି ଙ୍କୁ ଦେଲେ ଦାବିପତ୍ର

ଆକ୍ରମଣ ପ୍ରତିଆକ୍ରମଣରେ ଜଳୁଛି ମଧ୍ୟପ୍ରାଚ୍ୟ

ଆଙ୍କୁଲାଚ଼ଟିରେ ସପ୍ତଦୋଳ ମେଳଣ ସମାପନ

ଗ୍ୟାସ ପାଇଁ ସବୁଠି ହାହାକାର

ସାହିତ୍ୟ ସିନ୍ଦୁରା ପାଳିଲା ଓଡ଼ିଆ ଭାଷା ଶାସ୍ତ୍ରୀୟ ମାନ୍ୟତା ଦିବସ

ଶିକ୍ଷାବିତ ଉତ୍କଳ ରତ୍ନ ଶତ୍ରୁଘ୍ନ ନାଥ ଙ୍କ ଶ୍ରାଦ୍ଧ ଦିବସ ପାଳନ

ପୁଣି କଳାପତାକା ଧରିବ ଭାଷା ଆନ୍ଦୋଳନ

୧୫ତମ ଜଗବନ୍ଧୁ ସ୍ୱାଇଁ ଓ ପ୍ରଥମ ଆୟୁଷ ସ୍ୱାଇଁ ମେମୋରିଆଲ୍ ଉଦ୍‌ଘାଟିତ