ବାଲିଅନ୍ତା, ୧୬/୦୬(ଗୋବର୍ଦ୍ଧନ ଦାସ):– ଶିଶୁପାଳଗଡ଼ ଦୁର୍ଗାପୂବଜା ପଡ଼ିଆରେ ଆୟୋଜିତ ତିନିଦିନିଆ ରଜ ମହୋତ୍ସବ-୨୦୨୬ ର ଉଦଯାପନି ସଂନ୍ଧ୍ୟାରେ ଦିଗପହଣ୍ଡି ବିଧାୟକ ସିଦ୍ଧାନ୍ତ ମହାପାତ୍ର ମୁଖ୍ୟ ଅତିଥି ଭାବେ ଯୋଗଦେଇ ମହାପ୍ରଭୁ ଜଗନ୍ନାଥଙ୍କ ନିକଟରେ ପ୍ରଦୀପ ପ୍ରଜ୍ଜଳନ କରି ଆନୁଷ୍ଟାନିକ ବାବେ କାର୍ଯ୍ୟକର୍ମକୁ ଆରମ୍ଭ କରିଥିଲେ। ଧନୀ,ଗରିବ, ସମଗ୍ର ଜାତି ଆଜି ବସୁଧା ମା କୁ ସମ୍ମାନ ଜଣାଇ ଓଡ଼ିଆ ସଂସ୍କୃତି, ପରମ୍ପରା କୁ ଉଜ୍ଜୀବିତ କରିବା ପାଇଁ ଗଣ ପର୍ବ ରଜକୁ ପାଳନ କରିବା ଦଧିବାମନ ଦେବ ସେବା ସମବାୟ ସମିତି ଭଲ ପଦକ୍ଷପ , ତମାଖୁ ବର୍ଜନ ପାଇଁ ଯୁବକମାନେ ସଂକଳ୍ପବଦ୍ଧ ହେବା ଦରକାର ବୋଲି ନିଜର ବକ୍ତବ୍ୟ ରଖିଥିଲେ।ଅନ୍ୟମାନଙ୍କ ମଧ୍ୟରେ ନିରଞ୍ଜନ ମିଶ୍ର ସଭାପତି, ବିଜେପି ଭୁବନେଶ୍ବର, ମହିଳା ସମାସେବୀ ଦିପ୍ତିରେଖା ପଟ୍ଟନାୟକ, ଯୁବ ସଂଗଠକ ପ୍ରଭାତ କୁମାର ମାର୍ଥା ଲ୍ଲା ପରିଷଦ ସଭ୍ୟ ୨୯ ନମ୍ବର୍ ଜୋନ ସୁବାସ କୁମାର ସୁନ୍ଦରାୟ,ସମାଜସେବୀ ସୁଧୀର ଚମ୍ପତିଙ୍କ, ଶିଶୁପାଳଗଡ଼ ଗ୍ରାମପଞ୍ଚାୟତର ସରପଞ୍ଚ ରଶ୍ମିରଞ୍ଜନ ଶ୍ରୀଚନ୍ଦନ, ଯୁବ ସଂଠକ ପ୍ରଦୀପ କୁମାର ଜେନା, ପ୍ରକାଶ ମହାନ୍ତି ପ୍ରମୁଖ ଉପସ୍ଥିତ ରହି ଆୟୋଜକ ମାନଙ୍କ ଉଦ୍ୟମକୁ ପ୍ରଶଂସା କରିଥିଲେ।
ମହୋତ୍ସବ ଅବସରରେ ରଜଦୋଳି, ପୁଚି ଖେଳ, ସଙ୍ଗୀତ ଓ ନୃତ୍ୟ ପ୍ରତିଯୋଗିତା, ପାରମ୍ପରିକ ପିଠା ପ୍ରଦର୍ଶନୀ ଏବଂ ବିଭିନ୍ନ ମନୋରଞ୍ଜନଧର୍ମୀ କାର୍ଯ୍ୟକ୍ରମ ଆୟୋଜନ କରାଯାଇଥିଲା । ପରେ ଘୋଡ଼ା ନାଚ ରୁ ଆରମ୍ଭ ହୋଇଥିଲା ସାଂସ୍କୃତିକ କାର୍ଯ୍ଯକ୍ରମ ଆରମ୍ଭ ହୋଇଥିଲା। ଯୁବ କଣ୍ଠଶିଳ୍ପୀ କୁଲଦୀପ ପଟ୍ଟନାୟକଙ୍କ ମହୁଆ ପାଣି , ଏ ନନୀ, ଧୂଳିଆ ଜନ୍ଦା, ଆଦି ଅନେକ ସୁପର ହିଟ ଗୀତରେ ମତୁଆଲା ହୋଇଥିଲେ ଦର୍ଶକ ।ଶେଷରେ ଯୁବ ୟୁଟ୍ୟୁବର କମେଡିଆନ ପ୍ରଳୁ, ଜ୍ଞାନ ,ଟୁଲୁ ଓ ସାଥି କଳାକାରମାନେ ନିଜର କମେଡି ମାଧ୍ୟମରେ ଦର୍ଶକମାନଙ୍କୁ ହସାଇ ହସାଇ ବେଦମ କରିଥିଲେ। ଶେଷରେ ଆୟୋଜକ ସମିତି ପକ୍ଷରୁ ସମସ୍ତ ଅତିଥି, କଳାକାର ଓ ଦର୍ଶକମାନଙ୍କୁ କୃତଜ୍ଞତା ଜଣାଯାଇଥିଲା।
