ଜୟଦେବ ନିର୍ବାଚନ ମଣ୍ଡଳୀରେ ବିଜୁ ପ୍ରେମିଙ୍କ ବିରାଟ ବାଇକ୍ ଶୋଭାଯାତ୍ରା

ବାଲିଅନ୍ତା,୧୭/୪/୨୬) : ଗଲା ସାଧାରଣ ନିର୍ବାଚନ ପରେ ଆଜି ଜୟଦେବ ନିର୍ବାଚନ ମଣ୍ଡଳୀରେ ବିଜୁ ପ୍ରେମିଙ୍କ ବିରାଟ ବାଇକ୍ ଶୋଭାଯାତ୍ରା ଦେଖିବାକୁ ମିଳିଥିଲା। ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ପୁଣ୍ୟତିଥି ଅବସରରେ ବାଲିଅନ୍ତା ବ୍ଲକର ବିଭିନ୍ନ ସ୍ଥାନରେ ଶ୍ରଦ୍ଧାଞ୍ଜଳି ସଭା ଓ ବାଇକ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ଏହି ପରୀପ୍ରେକ୍ଷୀରେ ହଜାର ହଜାର ବିଜୁ ପ୍ରେମୀ ଏକତ୍ରିତ ହୋଇ ବେଣ୍ଟପୁର ପଞ୍ଚାୟତ ଦେଢ଼ାଳୋ ଛକସ୍ଥିତ ବିଜୁବାବୁଙ୍କ ପ୍ରତିମୂର୍ତ୍ତି ନିକଟରେ ମାଲ୍ୟାର୍ପଣ କରିବା ସହ “ବିଜୁ ପଟ୍ଟନାୟକ ଅମର ରହେ” ଓ “ନବୀନ ପଟ୍ଟନାୟକ ଜିନ୍ଦାବାଦ” ନାରା ଦେଇଥିଲେ।କାର୍ଯ୍ୟକ୍ରମରେ ୧୮ ନଂ ଜିଲ୍ଲା ପରିଷଦ ସଭ୍ୟ ମଙ୍ଗରାଜ ବେହେରା, ପୂର୍ବତନ ଜିଲ୍ଲା ପରିଷଦ ସଭ୍ୟା ଭାଗ୍ୟଲକ୍ଷ୍ମୀ ମିଶ୍ର, ପୂର୍ବତନ ସମିତିସଭ୍ୟ ବିଜୟ ନାୟକ, ତ୍ରୈଲୋକ୍ୟ ମଙ୍ଗରାଜ, ପୂର୍ବତନ ୧୭ ନଂ ଜୋନ ଜିଲ୍ଲାପରିଷଦ ସଭ୍ୟ ଅମରେନ୍ଦୁ ପଟ୍ଟନାୟକ, ଶିକ୍ଷାବିତ୍ ନାରାୟଣ ବେହେରା ,ବିରଞ୍ଚିନାରାୟଣ କର, ପୂର୍ବତନ ସରପଞ୍ଚ ସୂର୍ଯ୍ୟ ନାରାୟଣ ଦାସ , ଅରବିନ୍ଦ ସାହୁ କାହୁଁ ଚରଣ ଭୋଇ ପ୍ରମୁଖ ଆଦି ଅନେକେ ଯୁବ ଓ ବରିଷ୍ଟ ନେତୃତ୍ୱ ବୃନ୍ଧ ଯୋଗ ଦେଇଥିଲେ।କର୍ମୀମାନେ ଏକ ବିଶାଳ ବାଇକ ରାଲିରେ ବାଲିପାଟଣା ହାଟ ପର୍ଯ୍ୟନ୍ତ ଯାଇ ବିଜୁବାବୁଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିବା ପରେ ବିଜୁ ଜନତା ଦଳ କାର୍ଯ୍ୟାଳୟରେ ଏକ ସଭା ର ଆୟୋଜନ କରାଯାଇଥିଲା।ଆଗାମୀ ପଞ୍ଚାୟତରାଜ ନିର୍ବାଚନରେ ବିଜୁ ଜନତା ଦଳ ତାର ରଣକୌଶଳ ପ୍ରସ୍ତୁତି ପାଇଁ ଉକ୍ତ ସଭାରେ ବରିଷ୍ଟ କର୍ମୀ ମାନେ ଯୁବ କର୍ମୀଙ୍କୁ ଗଗୁରୁ ମନ୍ତ୍ର ଦେବା ସହ ନବୀନ ପଟ୍ଟନାୟକ ଙ୍କ ୨୪ ବର୍ଷର ସୁଶାସନର କୀର୍ତ୍ତି ବଖାଣି ଥିଲେ। ବିଜେଡ଼ି ଛାତ୍ର ଜନତା ଦଳରୁ ରାଜନୀତିରେ ପାଦ ଦେଇଥିବା ବ୍ୟକ୍ତି ଓ ୪୦ ବର୍ଷ ଧରି ବିଜେଡିକୁ ଭଲ ପାଇ ଆସୁଥିବା ବ୍ୟକ୍ତି ବିଶେଷଙ୍କୁ ଏହି କାର୍ଯ୍ୟ କ୍ରମରେ ଏକାଠି ଦେଖିବାକୁ ମିଳିଥିଲା।