ଜୁନାଗଡ ମହୋତ୍ସବ ରେ କବିତା ପାଠୋତ୍ସବ

ଜୁନାଗଡ଼, ୧୬/୨(/ଜନ୍ମେଜୟ ନାଏକ ଙ୍କ ରିପୋର୍ଟ): ଜୁନାଗଡ଼ର ଐତିହ, ସଂସ୍କୃତି, ପରମ୍ପରା,ଲୋକନୃତ୍ୟ, ଲୋକବାଦ୍ୟ ଓ ସଙ୍ଗୀତର ମହାପର୍ବ ଜୁନାଗଡ଼ର ଅପୂର୍ବ ସମାବେଶ ୨୦୨୫ ଜୁନାଗଡ଼ ଠାରେ ଚଳିତ ମାସ ୧୪ ତାରିଖ ଠାରୁ ୧୬ ତାରିଖ ପର୍ଯ୍ୟନ୍ତ ପାଳିତ ହୋଇଯାଇଛି। ଏହି ସମାବେଶରେ ଷୋହଳ ତାରିଖ ଶେଷ ଦିବସ ରେ ଜୁନାଗଡ ମୁଖ୍ୟ ଲଙ୍କେଶ୍ଵରୀ ମଞ୍ଚରେ ଜିଲ୍ଲା ସ୍ତରୀୟ କବିତା ପାଠୋତ୍ସବ ଆୟୋଜିତ ହୋଇଯାଇଛି। ସଭାପତି ପ୍ରିୟବ୍ରତ ବାଣୁଆଙ୍କ ନେତୃତ୍ୟୁରେ ମୁଖ୍ୟ ଅତିଥି ଭାବେ ସାହିତ୍ୟିକ , ପ୍ରାବନ୍ଧିକ, ପ୍ରାଧ୍ୟାପିକ ସତ୍ୟ ପଟ୍ଟନାୟକ, ସମ୍ମାନୀତ ଅତିଥି ଭାବେ ଧର୍ମଗଡ ମହିଳା ଉଚ୍ଚ ବିଦ୍ୟାଳୟ ଇଂରାଜୀ ଅଧ୍ୟାପକ ବଙ୍କିମ ମୁଣ୍ଡ, ସତ୍ୟ ନାରାୟଣ ମହାପାତ୍ର ପୂର୍ବତନ ସାହିତ୍ୟ ଏକାଡେମୀ ସଦସ୍ୟ, ଉଦ୍ଧବ ଚରଣ ସାହୁ ସମାଜସେବୀ , କୈଳାଶ ଚନ୍ଦ୍ର ରାଉତ ବରିଷ୍ଠ ସାହିତ୍ୟିକ, କବି ଓ ଗାଳ୍ପିକ ସିମାଞ୍ଚଲ ନାଗ ଜୁନାଗଡ଼ ସାହିତ୍ୟ କମିଟି ସଦସ୍ୟ, ସତ୍ୟ ନାରାୟଣ ରାଜପୁତ ,ସୁଧୀର ମେହେର ମଞ୍ଚାଶିନ ଥିଲେ। ଏଥିରେ ଜିଲ୍ଲାର ବିଭିନ୍ନ ଅଂଚଳରୁ ଅନେକ କବି ଓ କବୟିତ୍ରୀ ଯୋଗଦେଇ ଥିବା ବେଳେ ଧର୍ମଗଡରୁ କବି ରାଜେଶ କୁମାର ମୁଣ୍ଡ, କବି ମୋହନ କୁମାର ବିଶି, କବି ପ୍ରିୟରଞ୍ଜନ ମୁଣ୍ଡ, କବି ଲୋକନାଥ ବେହେରା ଗୋଲାମୁଣ୍ଡା ବ୍ଲକରୁ କବି ଜନ୍ମେଜୟ ନାଏକ, କବି ଅନ୍ତର୍ଯ୍ୟାମୀ ସରାପ, ଶିକ୍ଷାବିତ, କବି କୁଞ୍ଜ ବିହାରି ପଟେଲ ଯୋଗଦାନ କରି ସ୍ବରଚିତ କବିତା ପାଠ କରିଥିଲେ। ହେମନ୍ତ ସାହୁ ଓ ପ୍ରେମଲାଲ ବାଗ ପ୍ରଥମ ପର୍ଯ୍ୟାୟରେ ସଂଯୋଜକ ଭାବରେ କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ଦ୍ଵିତୀୟ ପର୍ଯ୍ୟାୟରେ ସନ୍ତୋଷ କୁମାର ମେହେର ଓ ପ୍ରମୋଦ ଛତ୍ରିଆ ପରିଚାଳନା କରିଥିଲେ। ପଲ୍ଲବୀ ଦାସ ନିରଞ୍ଜନ ସାହାଣୀ , ଚନ୍ଦ୍ର ଶେଖର ସିଂ ପୂର୍ଣ୍ଣ ମାତ୍ରାରେ ସହ ଯୋଗ କରିଥିଲେ।