ଯଶୁଆପୁରରେ ବିଶ୍ୱ ଋତୁଶ୍ରାବ ଦିବସ ପାଳିତ

ବାଲିଅନ୍ତା, ୩୧/୫ ବିଶ୍ୱ ଋତୁଶ୍ରାବ ଦିବସ ଅବସରରେ ଶୈଳବାଳା ଫାଉଣ୍ଡେସନ ଓ ଚାଇଲ୍ଡ ହେଲ୍ପ ଫାଉଣ୍ଡେସନ, ଭୁବନେଶ୍ୱର ତରଫରୁ ଯଶୁଆପୁର ଗ୍ରାମରେ ଏକ ସଚେତନତାମୂଳକ କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ପିଲାମାନଙ୍କ ମଧ୍ୟରେ ଚିତ୍ରାଙ୍କନ, ସାଧାରଣ ଜ୍ଞାନ ଓ ସ୍ଲୋଗାନ ପ୍ରତିଯୋଗିତା କରାଯାଇ ଅତିଥିମାନଙ୍କ ଦ୍ୱାରା ପ୍ରମାଣ ପତ୍ର ପ୍ରଦାନ କରାଯାଇଥିଲା। ଏହି କାର୍ଯ୍ୟକ୍ରମରେ ଚାଇଲ୍ଡ ହେଲ୍ପ ଫାଉଣ୍ଡେସନର ଓଡ଼ିଶା ଶାଖା ମୁଖ୍ୟ ନମ୍ରତା ପ୍ରସାଦ, ଜୟନ୍ତ କୁମାର ପରିଡା ଓ ଶୈଳବାଳା ଫାଉଣ୍ଡେସନର ଫାଉଣ୍ଡର ସଦସ୍ୟା ବେବି ନାୟକ, ମୁଖ୍ୟ ଅଥିତି ଭାବେ ପ୍ରକୃତିବନ୍ଧୁ ଦୀନବନ୍ଧୁ ଭୋଇ, ସମ୍ମାନୀତ ଅଥିତି ଭାବେ ସମିତି ସଭ୍ୟ ରଞ୍ଜନ କୁମାର ମହାପାତ୍ର , ଶସ୍ମିତା ଚୌଧୁରୀ ଯୋଗଦେଇ ଋତୁଶ୍ରାବ ସମ୍ପର୍କିତ ସ୍ୱାସ୍ଥ୍ୟ, ସ୍ୱଚ୍ଛତା ଓ ସୁରକ୍ଷା ବିଷୟରେ ବିଭିନ୍ନ ତଥ୍ୟ ଅଭିଭାଷଣରେ ଦେଇଥିଲେ । ଅନ୍ୟମାନଙ୍କ ମଧ୍ୟରେ ମମି ଘଡ଼ାଇ, ଶିକ୍ଷୟିତ୍ରୀ, ବେବି ବବଲସ ପ୍ରି-ସ୍କୁଲ ପ୍ରମୁଖ ଅତିଥି ଭାବେ ଯୋଗଦେଇଥିଲେ। କାର୍ଯ୍ୟକ୍ରମରେ ୩୦ରୁ ଅଧିକ ପିଲା ଅଂଶଗ୍ରହଣ କରିଥିଲେ। ପ୍ରତିଯୋଗିତାରେ କୃତିତ୍ୱ ଅର୍ଜନ କରିଥିବା ପିଲାମାନଙ୍କୁ ପୁରସ୍କାର ସହ ନାମକିନ ଓ ହ୍ୟାଣ୍ଡୱାସ ମଧ୍ୟ ବଣ୍ଟନ କରାଯାଇଥିଲା। ଏହି ଅବସରରେ ସଚେତନତାମୂଳକ ସ୍ଲୋଗାନ ମାଧ୍ୟମରେ ସମାଜରୁ କୁପ୍ରଥା ଓ ଲଜ୍ଜା ଭାବନା ଦୂର କରିବାକୁ ଆହ୍ୱାନ ଦିଆଯାଇଥିଲା।
“ଲାଜ ନୁହେଁ, ସଚେତନତା ଜରୁରୀ; ସ୍ୱଚ୍ଛତା ହିଁ ନାରୀର ସୁରକ୍ଷା ପାଚେରୀ” ଏବଂ
“ସୁସ୍ଥ ଶରୀର, ସୁସ୍ଥ ମନ; ଋତୁଶ୍ରାବ ସ୍ୱଚ୍ଛତା ପ୍ରତି ଦିଅନ୍ତୁ ଧ୍ୟାନ” ପରି ସ୍ଲୋଗାନ ଉପସ୍ଥିତ କରାଯାଇଥିଲା ।ଏହି କାର୍ଯ୍ୟକ୍ରମକୁ ପ୍ରଦୀପ ପ୍ରଧାନ ମଞ୍ଚ ପରିଚାଳନା କରିଥିଲେ ।

Social Share On:

Utkal Bulletin Is Now On WhatsApp Join And Get Latest News Updates Delivered To You Via WhatsApp

Social Share On:

Related News

You cannot copy content of this page