ଲୁର୍ଦ୍ଧ୍ ମେରୀ ପର୍ବ ପାଇଁ ବ୍ରାହ୍ମଣୀଗାଁ ଉତ୍ସବ ମୁଖର, ଅତିଥି ମାନଙ୍କୁ ଗ୍ରାମ ବାସୀ ଙ୍କ ସ୍ଵାଗତ

ଦାରିଙ୍ଗବାଡି ତା:୧୦/୨ : କନ୍ଧମାଳ ଜିଲ୍ଲା ଦାରିଙ୍ଗବାଡି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ କାଥଲିକ ଚର୍ଚ୍ଚ ପକ୍ଷରୁ ମଙ୍ଗଳ ବାର ଦିନ ଲୁର୍ଦ୍ଧ୍ ମେରୀ ମା’ ଙ୍କ ପର୍ବ ମହା ଆଡ଼ମ୍ବର ସହକାରେ ପାଳନ କରାଯିବ, ଏଥି ପାଇଁ ସମସ୍ତ ସାଜ ସଜ୍ଜା ସରି ଯାଇ ଥିବା ବେଳେ ସୋମବାର ଦିନ ଅପରାହ୍ନ ରେ ଗ୍ରାମବାସୀ ଙ୍କ ପକ୍ଷରୁ ଅତିଥି ମାନଙ୍କୁ ଭବ୍ୟ ସ୍ଵାଗତ ଜ୍ଞାପନ କରାଯାଇଛି।
ମୁଖ୍ୟ ଅତିଥି ଭାବେ କଟକ ଭୁବନେଶ୍ବର ଧର୍ମ ପ୍ରଦେଶ ର ଭି. ଜି ପ୍ରଦୋଷ ଚନ୍ଦ୍ର ନାୟକ ଓ ଚାନ୍ସେଲର ଜାଜକ ଦିବ୍ୟସିଂହ ପରିଚ୍ଛା ଙ୍କୁ ସ୍ୱାଗତ ସମ୍ବର୍ଦ୍ଧନା କରାଯାଇଛି ।
ଚର୍ଚ୍ଚ ର ମୁଖ୍ୟ ଯାଜକ ବିମଳ ଚନ୍ଦ୍ର ନାୟକ ଙ୍କ ତତ୍ତ୍ଵାବଧାନରେ ଗ୍ରାମ୍ୟ ପରିଚାଳନା କମିଟି ର କର୍ମକର୍ତ୍ତା ଓ ଗ୍ରାମବାସୀ ମାନେ ସ୍ଥାନୀୟ ଶିବ ମନ୍ଦିର ଛକ ଠାରୁ ଗୀତ ନାଚ ସହ କଳସ ଯାତ୍ରା ରେ ଯାତ୍ରା ପଡ଼ିଆ ପର୍ଯ୍ୟନ୍ତ ପାଛୋଟି ନେଇଥିଲେ। ସେଠାରେ ମୁଖ୍ୟ ଅତିଥି ଭାବେ ଯୋଗ ଦେଇ ଥିବା ଜାଜକ ତଥା ଭି. ଜି. ପ୍ରଦୋଷ ଚନ୍ଦ୍ର ନାୟକ ମା’ ମେରୀ ଙ୍କ ପତାକା ଉତ୍ତୋଳନ କରି ପର୍ବ ର ଶୁଭାରମ୍ଭ କରିଥିଲେ।ମଙ୍ଗଳବାର ଦିନ ଚାନ୍ସେଲର ଯାଜକ ଦିବ୍ୟସିଂହ ପରିଚ୍ଛା ଙ୍କ ପୌରହିତ୍ୟ ରେ ମିଳିତ ଦିବ୍ୟ ଯଜ୍ଞ ଅନୁଷ୍ଠିତ ହେବାର କାର୍ଯକ୍ରମ ରହିଥିବା ବେଳେ ସଂଧ୍ୟା ସମୟ ରେ କ୍ୟାଣ୍ଡେଲ ଶୋଭାଯାତ୍ରା ଓ ରାତ୍ର ମନୋରଞ୍ଜନ କାର୍ଯ୍ୟକ୍ରମ ରେ ଖ୍ରୀଷ୍ଟୀୟ କଳା ପରିଷଦ ପକ୍ଷରୁ ଶ୍ରେଷ୍ଠ ସାମାଜିକ ନାଟକ ” ଅଧା ରହିଗଲା ସପନ ମୋର ” ମଞ୍ଚସ୍ଥ ହେବାର କାର୍ଯ୍ୟକ୍ରମ ରହିଛି ବୋଲି ଗ୍ରାମର ସଭାପତି ବିକ୍ରମ ବସ୍ତିରାୟ କହିଛନ୍ତି।