ଡମଶାଳ ଉଚ୍ଚ ବିଦ୍ୟାଳୟ ପରିଚାଳନା କମିଟି ଗଠିତ

ଭୁବନ: ଢ଼େଙ୍କାନାଳ ଜିଲ୍ଲା ଭୁବନ ବ୍ଲକ୍ ଅନ୍ତର୍ଗତ ଓଡ଼ିଶ ଗ୍ରାମ ପଂଚାୟତ ଡମଶାଳ ଉଚ୍ଚ ବିଦ୍ୟାଳୟର ପରିଚାଳନା କମିଟି ଗଠନ ହୋଇଯାଇଛି । ରାଜ୍ୟ ସରକାରଙ୍କ ଅନୁସୂଚିତ ଜାତି ଏବଂ ଅନୁସୂଚିତ ଜନଜାତି ବିଭାଗ ଅଧୀନରେ ଥିବା ଏହି ବିଦ୍ୟାଳୟର ପ୍ରଧାନ ଶିକ୍ଷକ ପ୍ରସନ୍ନ କୁମାର ସେଠୀଙ୍କ ଅଧ୍ୟକ୍ଷତାରେ ଏବଂ ଅଭିଭାବକମାନଙ୍କ ଉପସ୍ଥିତିରେ ଏକ ସ୍ୱତନ୍ତ୍ର ବୈଠକ ଅନୁ୍ଷ୍ଠିତ ହୋଇଥିବା ଦେଖିବାକୁ ମିଳିଛି । ବୈଠକରେ ଉପସ୍ଥିତ ରହିଥିବା ସମସ୍ତ ସଦସ୍ୟଙ୍କ ମଧ୍ୟରୁ ୧୫ ଜଣଙ୍କୁ କମିଟିର ସଭ୍ୟ ଏବଂ ସଭ୍ୟା ଭାବେ ଚୟନ କରାଯାଇଥିଲା । ଏହାସହ ୯ଜଣ ସଭ୍ୟ ଓ ସଭ୍ୟାଙ୍କ ପୂର୍ଣ୍ଣ ସମର୍ଥନରେ ବିଦ୍ୟାଳୟର ପରିଚାଳନା କମିଟି ଅଧ୍ୟକ୍ଷ ଭାବେ ପଦ୍ମ ଚରଣ ନାଏକ ନିର୍ବାଚିତ ହୋଇଥିବାବେଳେ ଉପାଧ୍ୟକ୍ଷା ଭାବେ ନିର୍ବାଚିତ ହୋଇଛନ୍ତି ପାନ ହେମ୍ବ୍ରମ । ଏହି ପରିଚାଳନା କମିଟିର ଅନ୍ୟ ପ୍ରମୁଖ ସଦସ୍ୟ ସଦସ୍ୟା ମାନେ ହେଲେ ହାକିମ ସୋରେନ,ରଞ୍ଜନ ସାହୁ, ମଦନ ମହାନ୍ତ,ଦମୟନ୍ତୀ ମୁଣ୍ଡା, ଚନ୍ଦ୍ରାବତୀ ସୋରେନ, ସୁଚିସ୍ମିତା ଷଣ୍ଢ, ଅପରାଜିତା ଷଣ୍ଢ,ନମିତା ପାତ୍ର,ଜୟନ୍ତୀ ମୁର୍ମୁ, ଧର୍ମେନ୍ଦ୍ର ଷଣ୍ଢ, ଶ୍ରୀକାନ୍ତ କୁମାର ପାତ୍ର, ମଲି ହାଁସଦା, ଲିଲି ମହାନ୍ତ ।