ସୀଆଈଏସସୀଇ ନେଶନlଲ ଜିବେ ଅଭିଳାଷl
ଟିଟଲାଗଡ଼ସ୍ଥିତ ସେଣ୍ଟ ଆନ୍ ସ୍କୁଲ ପରିସରରେ ସୀଆଈଏସସୀଇ ରିଜିଓନାଲ ସ୍ତରୀୟ କରାଟେ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଏଥିରେ ବଲାଙ୍ଗୀର ଜିଲ୍ଲା କରାଟେ ଅର୍ଗାନାଇଜେସନର ଛାତ୍ରୀ ଅଭିଲାଶା ଚୌଧୁରୀ ଶ୍ରେଷ୍ଠ ପ୍ରଦର୍ଶନ କରି ସ୍ୱର୍ଣ୍ଣ ପଦକ ହାସଲ କରିଛନ୍ତି।ଅଭିଲାଶା ଅଣ୍ଡର-୧୪ ବର୍ଷ ୩୪ ରୁ ୩୮ କେଜି କୁମିତେ (ଫାଇଟିଂ) ବିଭାଗରେ ଭାଗନେଇ ଏହି ସଫଳତା ହାସଲ କରିଛନ୍ତି। ପ୍ରତିଯୋଗିତା ଶେଷରେ ମୁଖ୍ୟ ଅତିଥି ଡବ୍ଲୁକେଏଫ ରେଫରୀ ରାଜିବ ସିଂ ଓ ସେଣ୍ଟ ଆନ୍ ସ୍କୁଲର ପ୍ରିନ୍ସିପାଲ ସିଷ୍ଟର୍ ବିନା ଅଭିଲାଶାଙ୍କୁ ସ୍ୱର୍ଣ୍ଣ ପଦକ ପ୍ରଦାନ କରିବା ସହ ସମ୍ମାନିତ କରିଥିଲେ। ଏହି ପ୍ରତିଯୋଗିତାରେ ଜାତୀୟ ସ୍ତରୀୟ ରେଫରୀ ଅସିମ କୁମାର ଭୋଇ ରେଫରୀ ଓ ଜଜ୍ ଦାୟିତ୍ୱ ନିର୍ବାହ କରିବା ସହ ଛାତ୍ର ଛାତ୍ରୀଙ୍କୁ ମେଡାଲ୍ ସହ ପୁରସ୍କୃତ କରିଥିଲେ l ଅଭିଲାଶା ବଲାଙ୍ଗୀର ରେଲୱେ ଷ୍ଟେସନ୍ ଛକସ୍ଥିତ ‘ଅସୀମ କରାଟେ ଏକାଡେମୀ’ ରେ ଆନ୍ତର୍ଜାତୀୟ ସ୍ୱର୍ଣ୍ଣ ପଦକ ବିଜେତା ଅସିମ ଭୋଇଙ୍କ ଠାରୁ ନିୟମିତ କରାଟେ ପ୍ରଶିକ୍ଷଣ ନେଉଛନ୍ତି। ସେ ବଲାଙ୍ଗୀର ‘ଲିଟିଲ ଫ୍ଲାୱାର ସ୍କୁଲ’ରେ ଅଧ୍ୟୟନରତ।ଏହି ସଫଳତା ପରେ ଅଭିଲାଶା ଅକ୍ଟୋବର୍ ମାସରେ ତାମିଲନାଡୁର ତିରୁପୁର ଠାରେ ହେବାକୁ ଥିବା ସୀଆଈଏସସୀଇ ଜାତୀୟ ସ୍ତରୀୟ କରାଟେ ପ୍ରତିଯୋଗିତାରେ ଓଡ଼ିଶା ତରଫରୁ ପ୍ରତିନିଧିତ୍ୱ କରିବେ ବୋଲି ସୂଚନା ମିଳିଛି।
