ରେଳ ଦୁର୍ଘଟଣାରେ ବୃଦ୍ଧା ମୃତ

ଭୁବନ: ଢ଼େଙ୍କାନାଳ ଜିଲ୍ଲା ଭୁବନ ବ୍ଲକ୍ ଅନ୍ତର୍ଗତ ଓଡ଼ିଶ ପଂଚାୟତର ପ୍ରଭାକର ପାତ୍ରଙ୍କ ସ୍ତ୍ରୀ ଧକି ପାତ୍ର ଟ୍ରେନ୍ ଧକ୍କାରେ ମୃତୁ୍ୟବରଣ କରିଛନ୍ତି । ସୂଚନା ଅନୁସାରେ ଧକି ପାତ୍ର ତାଙ୍କ ଝିଅ ଘରକୁ ବୁଲିବାକୁ ଯାଇଥିଲେ ଏବଂ କିଛି ଦିନ ଝିଅଘରେ ରହିବା ପରେ ନିଜ ଘର ଓଡ଼ିଶକୁ ଆସିବାକୁ ତାଙ୍କ ଝିଅଙ୍କୁ କହିଲେ ଏବଂ ତାଙ୍କ ଝିଅ କହିଲେ ଠିକ୍ ଅଛି ଆସନ୍ତା କାଲି ସକାଳେ ନେଇ ଛାଡ଼ିଆସିବି କିନ୍ତୁ ଧକି ପାତ୍ର ସେହି ରାତିରେ ଏକୁଟିଆ ଚାଲି ଚାଲି ମାନପୁର, ଜଖପୁରା ରେଳ ଷ୍ଟେସନ ଆଡକୁ ଚାଲିଯାଇଥିଲେ । ଅଜାଣତରେ ରେଳ ଧାରଣାରେ ଗୋଡ଼ ଖସିଯାଇଥିଲା ଏବଂ ରେଳ ଧାରଣାରେ ପଡ଼ିଯାଇଥିଲେ । ବୃଦ୍ଧା ଯେଉଁଠାରେ ପଡ଼ିଯାଇଥିଲେ ସେଠାରେ ଜନଶୂନ୍ୟ ଥିଲା ଏବଂ ଯାତ୍ରୀବାହି ଟ୍ରେନ ରେ ଶରୀର କଟିଯାଇ ମୃତୁ୍ୟବରଣ କରିଥିଲେ । ଏହା ପରେ ତାଙ୍କ ପରିବାର ଲୋକେ ଖୋଜାଖୋଜି କରିଲା ପରେ ସୂଚନା ମିଳିଥିଲା । ଏହା ପରେ ତାଙ୍କୁ ପରିବାର ଲୋକେ ନିଜ ଗ୍ରାମ ଓଡ଼ିଶକୁ ଆଣିଥିଲେ । ଏହି ମୃତୁ୍ୟ ଖବର ଶୁଣି ନିଜ ସାହିରେ ତଥା ଗ୍ରାମରେ ଏକ ପ୍ରକାର ଶୋକର ଛାୟା ଖେଳିଯାଇଛି ।
ବିମଳ କୁମାର ରଣାଙ୍କ ରିପୋର୍ଟ, ଉକ୍ରଳ ବୁଲେଟିନ୍