ଭୟଙ୍କର ହେଉଛି ମଧ୍ୟପ୍ରାଚ୍ୟ ଯୁଦ୍ଧ

ନୂଆଦିଲ୍ଲୀ: ଗର୍ଜୁଛି ମିସାଇଲ, ବର୍ଷୁଛି ନିଆଁ । ବୋମାମାଡ଼ରେ ଥରୁଛି ମଧ୍ୟପ୍ରାଚ୍ୟ । ତୁହାକୁ ତୁହା ଖସୁଛି ଡ୍ରୋନ୍ । ଘମାଘୋଟ ହେଉଛି ଯୁଦ୍ଧ । ଆଜି ତେହେରାନରେ ଭୟାନକ ଆକ୍ରମଣ କରିଛି ଇସ୍ରାଏଲ । ଦୀର୍ଘ ଏକ ଘନ୍ଟାଏ ଧରି ଏୟାର ରେଡ୍ । ଖସିଥିଲା ମାଳମାଳ ଡ୍ରୋନ୍ । ଜଳ, ସ୍ଥଳ, ଆକାଶ ସବୁଠି ମହା ବିଧ୍ୱଂସର ଖେଳ । ନଉଁନଥିବା ଇରାନ ଉପରେ ପ୍ରଚଣ୍ଡ ହମଲା କରୁଛନ୍ତି ଆମେରିକା ଓ ଇସ୍ରାଏଲ ସେନା । ସମୁଦ୍ରରେ ଇରାନର ୧୬ ଯୁଦ୍ଧ ଜାହାଜକୁ ଧ୍ୱଂସ କରିଛନ୍ତି ଆମେରିକା । ସମୁଦ୍ର ମଝିରେ ସର୍ଜିକାଲ ଷ୍ଟ୍ରାଇକ୍ ର ଭିଡିଓ ଜାରି କରିଛି ପେନ୍ଟାଗନ । ଆମେରିକାର ସେନ୍ଟ୍ରାଲ କମାଣ୍ଡ କହିଛି, ଧ୍ୱଂସ ହୋଇଥିବା ଇରାନର ଏହି ୧୬ ଯୁଦ୍ଧ ଜାହାଜ ସମୁଦ୍ର ଭିତରେ ମାଇନ୍ ବିଛାଇବାର କ୍ଷମତା ରଖିଥିଲେ । ଏଗୁଡ଼ିକ ଏୟାର ଷ୍ଟ୍ରାଇକ୍ ରେ ବୁଡ଼ାଇ ଦିଆଯାଇଛି । ଷ୍ଟ୍ରେଟ୍ ଅଫ ହର୍ମୁଜରେ ଗୋଟେ ଲିଟର ତେଲ ନଛାଡ଼ିବାକୁ ଧମକ ଦେଇଥିବା ଇରାନ୍ ଏବେ ସମୁଦ୍ର ତଳେ ମାଇନ ବିଛାଇବା ଆରମ୍ଭ କରିଛି । ଟ୍ରମ୍ପ ତାଙ୍କ ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥ୍ ସୋସିଆଲରେ ଇରାନକୁ କଡ଼ା ଚେତାବନୀ ଦେଇଛନ୍ତି । ସେ କହିଛନ୍ତି, ସମୁଦ୍ର ତଳେ ବିଛାଇଥିବା ବୋମାକୁ ହଟାଉ ଇରାନ । ନହେଲେ ଏଭଳି ପରିଣାମ ଭୋଗିବ, ଯାହା ଦୁନିଆ ପୂର୍ବରୁ କେବେ ବି ଦେଖି ନଥିବ । ପୁଣି ନିଜର ବାହାଦୁରୀ ଦେଖାଇଲେ ଆମେରିକା ରାଷ୍ଟ୍ରପତି । ଡୋନାଲ୍ଡ ଟ୍ରମ୍ପ ଦାବି କରି କହିଲେ – ଯେବେ ଚାହିଁବି ଏହି ଇରାନ ସହ ଯୁଦ୍ଧ ବନ୍ଦ କରି ପାରିବି । କାରଣ ଏବେ ସେଠାରେ ଟାର୍ଗେଟ୍ କରିବା ପାଇଁ ଆଉ କିଛି ବି ରହିନାହିଁ । ବୁଧବାର ଆମେରିକୀୟ ମିଡ଼ିଆ ପ୍ଲାଟଫର୍ମ କୁ ଦେଇଥିବା ଏକ ସଂକ୍ଷିପ୍ତ ଫୋନ୍ ଇନ୍ଟରଭ୍ୟୁରେ ଟ୍ରମ୍ପ କହିଥିଲେ – ଇରାନରେ ସାମିରକ ସ୍ଥଳୀ ଓ ଲକ୍ଷ୍ୟ ସ୍ଥଳ ଉପରେ ବଡ଼ ସ୍ତରରେ ଆକ୍ରମଣ ହୋଇ ସାରିଛି । ଆଉ କିଛି ବାକି ନାହିଁ । ଉକ୍ତ ପାଞ୍ଜ ମିନିଟ୍ ସମୟ ଅବଧିର ବାର୍ତାଳାପରେ ଟ୍ରମ୍ପ ସଙ୍କେତ ଦେଇଥିଲେ ଯେ, ଯୁଦ୍ଧର ଅନ୍ତ ଆଉ ଅଧିକ ଦୂର ନୁହେଁ । ରିପୋର୍ଟ ମୁତାବିକ, ଟ୍ରମ୍ପ କହିଛନ୍ତି , ଏବେ ସେଠାରେ ( ଇରାନ) ଟାର୍ଗେଟ୍ କରିବା ପାଇଁ ପାଖାପାଖି କିଛି ବି ଆଉ ରକ୍ଷା ପାଇ ନାହିଁ । ବାସ୍ ଆଉ ଅଳ୍ପ କିଛି ବାକି ଅଛି । ଯେବେ ବି ମୁଁ ଚାହିଁବି , ଏହି ଯୁଦ୍ଧ ବନ୍ଦ ହୋଇଯିବ । ହେଲେ ଟ୍ରମ୍ପ ଏହା ସ୍ପଷ୍ଟ ।ହିଁ ଯେ, ଯୁଦ୍ଧ ସମାପ୍ତ କରିବା ପାଇଁ ଆମେରିକା କେଉଁ ପ୍ରକାରର ରଣନୀତି ଆପଣାଇବ କିମ୍ୱା ସଂଘର୍ଷବିରାମର କୌଣଣି ଆନୁଷ୍ଠାନିକ ପ୍ରକ୍ରିୟା ଆରମ୍ଭ କରାଯିବ ନା ନାହିଁ । ଆମେରିକା ଓ ଇସ୍ରାଏଲୀୟ ଅଧିକାରୀଙ୍କ ଅନୁସାରେ , ଇରାନ ବିରୋଧରେ ଅତି କମ୍ରେ ଆଉ ଦୁଇ ସପ୍ତାହ ଯାଏ ,ସାମରିକ ଆକ୍ରମଣ ଜାରି ରଖିବାର ପ୍ରସ୍ତୁତି କରାଯାଉଛି । ଇସ୍ରାଏଲର ପ୍ରତିରକ୍ଷା ମନ୍ତ୍ରୀ କହି ଥିଲେ ଯେ, ଅଭିଯାନ ବିନା କୌଣସ ସମୟ ସୀମାରେ ଜାରି ରହିବ, ଯେପର୍ଯ୍ୟନ୍ତ ସବୁ ଲକ୍ଷ୍ୟ ହାସଲ ହୋଇ ନଯାଇଛି ଏବଂ ନିର୍ଣ୍ଣାୟକ ବିଜୟ ହାସଲ ହାଇଛି ।ଆମେରିକା ନୌସେନା ହର୍ମୁଜ ପ୍ରଣାଳୀକୁ ସୁରକ୍ଷା ଦେବା ଆରମ୍ଭ କରିଛି । ଆମେରିକା ନøସେନାର ସୁରକ୍ଷା ବଳୟ ଭିତରେ କିଛି ତେଲ ଟ୍ୟାଙ୍କର ଆସିଛି । ଫଳରେ ତୈଳ ଦର ପ୍ରତିଶତ ହ୍ରାସ ପାଇଛି । ଅଶୋଧିତ ତ÷ଳ ଦର ବ୍ୟାରେଲ ପିଛା ୧୧୦ ରୁ ୧୨୦ ଡଲାର ପର୍ଯ୍ୟନ୍ତ ବୃଦ୍ଧି ପାଇଥିଲା । ଷ୍ଟ୍ରେଟ୍ ଅଫ୍ ହରମୁଜ ଦେଇ ଦୁନିଆର ପ୍ରାୟ ୨୦% ତୈଳ ପରିବହନ ହୋଇଥାଏ । ବ୍ରେଞ୍ଜ ଅଶୋଧିତ ତୈଳ ଦର ୯୦ ଡଲାରରୁ କମି ଏବେ ୮୦ ରୁ ୮୭ ଡଲାର ପାଖାପାଖି ପହଞ୍ଚିଛି । ଅନ୍ୟପଟେ ଆମେରିକାର ଧମକ ସତେ ଆଜି ୩ଟି ତୈଳ ଟ୍ୟାଙ୍କର ଉପରେ ରକେଟ୍ ମାଡ଼ ହୋଇଛି । ଏଥିରେ ଗୋଟିଏ କାର୍ଗୋ ଜାହାଜରେ ନିଆଁ ଲାଗି ଯାଇଥିଲା । ପରେ ନିଆଁକୁ ଅୟତ କରାଯାଇଥିଲା ।ଇରାନ ଏବଂ ଇସ୍ରାଏଲ ମଧ୍ୟରେ ଚାଲିଥିବା ଯୁଦ୍ଧ ଦିନକୁ ଦିନ ଉଗ୍ର ହେବାରେ ଲାଗିଛି । ଏହ ସଂଘର୍ଷ ମଧ୍ୟରେ ଇରାନ ହୋର୍ମୁଜ୍ ଷ୍ଟ୍ରେଟ ଉପରେ ନଜର ରଖିଛି । ବୁଧବାର ଦିନ ଇରାନ ହର୍ମୁଜ୍ ଷ୍ଟ୍ରେଟରେ ଏକ ଥାଇଲାଣ୍ଡ ମାଲବାହୀ ଜାହାଜକୁ ଟାର୍ଗେଟ କରିଥିଲା । ଏହି ଆକ୍ରମଣରେ ମାଲବାହୀ ଜାହାଜଟି ବହୁତ କ୍ଷତିଗ୍ରସ୍ତ ହୋଇଥିବା ଜଣାପଡ଼ିଛି । ଜାହାଜରେ ୨୩ ଜଣ କ୍ର୍ୟୁ ସଦସ୍ୟ ଥିଲେ । ଏହି କ୍ର୍ୟୁ ସଦସ୍ୟଙ୍କ ମଧ୍ୟରୁ ୨୦ ଜଣଙ୍କୁ ଉଦ୍ଧାର କରାଯାଇଛି, ଯେତେବେଳେ ତିନି ଜଣ କ୍ର୍ୟୁ ସଦସ୍ୟ ନିଖୋଜ ଅଛନ୍ତି ବୋଲି ଜଣାପଡ଼ିଛି ।ରୟାଲ୍ ଥାଇ ନୌସେନା ପକ୍ଷରୁ ଆକ୍ରମଣ ସମ୍ପର୍କରେ ଏକ ବିବତି ଜାରି କରିଛି ।