ଭାରତୀୟ ଏଲପିଜି ଜାହାଜକୁ ଅନୁମତି ଦେଲା ଇରାନ

ୱାଶିଂଟନ୍ ଇରାନ ଦୁଇଟି ଭାରତୀୟ ପତାକାଯୁକ୍ତ ଏଲପିଜି ଜାହାଜକୁ ହର୍ମୁଜ୍ ପ୍ରଣାଳୀ ଦେଇ ଯାତ୍ରା କରିବାକୁ ଅନୁମତି ଦେଇଛି । ଇରାନର ଏହି ପଦକ୍ଷେପ ଯୋଗୁଁ ଦେଶରେ ଦେଖା ଦେଇଥିବା ରନ୍ଧନ ଗ୍ୟାସ୍ ସଙ୍କଟ କିଛି ମାତ୍ରାରେ କମ କରିବାରେ ସାହାଯ୍ୟ ହେବ ।ସୂଚନା ଅନୁସାରେ ମାର୍ଚ୍ଚ ୧ ପାଖାପାଖି ସାଉଦି ଆରବୀୟ ତୈଳ ନେଇ ଶନିବାର ଦିନ ଏକ ଅଶୋଧିତ ଟ୍ୟାଙ୍କର୍ ଭାରତରେ ପହଞ୍ଚିବ ବୋଲି ଆଶା କରାଯାଉଛି । ଇରାନ ସରକାରଙ୍କ ଦ୍ୱାରା ହର୍ମୁଜ୍ ପ୍ରଣାଳୀ ବନ୍ଦ କରାଯାଇଛି । ବିଶେଷ କରି ଆମେରିକା ସମର୍ଥôତ ପଶ୍ଚିମ ଏସୀୟ ଦେଶ ଏବଂ ଇସ୍ରାଏଲ ମଧ୍ୟରେ ଯୁଦ୍ଧ ବୃଦ୍ଧି ପାଇବା ପରେ ଏହି ରାସ୍ତା ଦେଇ ଯାଉଥିବା ଜାହାଜଗୁଡ଼ିକୁ ଇରାନ ଟାର୍ଗେଟ୍ କରିଛି । ଭାରତର ଅଧିକାଂଶ ଏଲପିଜି ଆମଦାନୀ ଉପସାଗର ଉତ୍ପାଦକଙ୍କଠାରୁ ଆସିଥାଏ । ପର୍ସିଆନ ଉପସାଗରକୁ ବିଶ୍ୱ ବଜାର ସହିତ ସଂଯୋଗ କରୁଥିବା ଏକ ସଂକୀର୍ଣ୍ଣ ପଥ ହର୍ମୁଜ୍ ପ୍ରଣାଳୀ ଦେଇ ପଠାଇଥାଏ ।ଇରାନର ପୂର୍ବତନ ସର୍ବୋଚ୍ଚ ନେତା ଅୟତୁଲ୍ଲା ଅଲ୍ଲୀ ଖାମେନେଇଙ୍କ ମୃତ୍ୟୁ ପରେ ନୂତନ ସର୍ବୋଚ୍ଚ ନେତା ମୋଜତାବା ଖାମେନେଇ ତାଙ୍କର ପ୍ରଥମ ସାର୍ବଜନୀନ ମନ୍ତବ୍ୟରେ ହର୍ମୁଜ୍ ପ୍ରଣାଳୀ ଜଳପଥ ବନ୍ଦ ରଖିବାକୁ କହିଥିଲେ ଳ ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏ୭ ନେତାଙ୍କ ସହ ଏକ ଭର୍ଚୁଆଲ ବୈଠକ କରିଛନ୍ତି । ଏହି ବୈଠକ ସମୟରେ ଇରାନ ଏବେ ଆତ୍ମସମର୍ପଣ କରିବାକୁ ଯାଉଛି । ଇରାନର ସ୍ଥିତି ଦୁର୍ବଳ ହୋଇଯାଇଛି ଏବଂ ସଂଘର୍ଷର ଫଳାଫଳ ଏବେ ସ୍ପଷ୍ଟ ହେବାରେ ଲାଗିଛି ବୋଲି ଟ୍ରମ୍ପ କହିଛନ୍ତି । ତଥାପି ହ୍ୱାଇଟ ହାଉସ ଏପର୍ଯ୍ୟନ୍ତ ଏହି ଦାବି ସମ୍ପର୍କରେ କୌଣସି ତୁରନ୍ତ ସରକାରୀ ପ୍ରତିକ୍ରିୟା ଜାରି କରିନାହିଁ ।ଏ୭ ନେତାଙ୍କ ସହ ଅନୁଷ୍ଠିତ ଅନଲାଇନ ବୈଠକରେ ଟ୍ରମ୍ପ ଘୋଷଣା କରିଥିଲେ, ଆମେ ଆମ ସମସ୍ତଙ୍କ ପାଇଁ ବିପଦ ସୃଷ୍ଟି କରୁଥିବା କ୍ୟାନସରକୁ ଦୂର କରିଛୁ । ଏହି ପରିପ୍ରେକ୍ଷୀରେ ସେ ‘ଅପରେଶନ ଏପିକ ଫ୍ୟୁରି’ – ଇରାନ ବିରୋଧରେ କରାଯାଇଥିବା ସାମରିକ ଅଭିଯାନର ଫଳାଫଳ ଉପରେ ମଧ୍ୟ ଆଲୋକପାତ କରିଥିଲେ ।ଟ୍ରମ୍ପ ଉଲ୍ଲେଖ କରିଥିଲେ ଯେ, ଇରାନରେ ବର୍ତ୍ତମାନ ଜଣେ ଦୃଢ ନେତାଙ୍କ ଅଭାବ ଅଛି । ଫଳସ୍ୱରୂପ, ଦେଶର ଭିତରେ ଏପରି କୌଣସି ବ୍ୟକ୍ତି ନାହିଁ ଯିଏ ଆନୁଷ୍ଠାନିକ ଭାବରେ ଆତ୍ମସମର୍ପଣ ଘୋଷଣା କରିବାକୁ ସକ୍ଷମ ।ମଧ୍ୟପ୍ରାଚ୍ୟରେ ସଂଘର୍ଷ ଆରମ୍ଭ ହେବାର ପ୍ରାୟ ଦୁଇ ସପ୍ତାହ ହୋଇଗଲାଣି ଏବଂ ଏହି ସମୟ ମଧ୍ୟରେ ଡ୍ରୋନ ଏବଂ କ୍ଷେପଣାସ୍ତ୍ର ଆକ୍ରମଣର ଧାରା ଅବିରତ ଜାରି ରହିଛି । ମଧ୍ୟପ୍ରାଚ୍ୟ ଯୁଦ୍ଧ ମଧ୍ୟରେ ଇରାନକୁ ବଡ଼ ଝଟକା । ଗୋଡ଼ ହରାଇଲେ ଇରାନର ନୂଆ ସୁପ୍ରିମ ଲିଡର୍ ମୋଜତାବା ଖାମେନେଇ । ଏକ ଏୟାର ଷ୍ଟ୍ରାଇକରେ ମୋଜତାବା ଖାମେନେଇ ଗୋଡ଼ ହରାଇ କୋମାରେ ପୀଡ଼ିତ ହୋଇଛନ୍ତି । ଏକ ବିଶେଷ ସୂତ୍ରରୁ ମିଳିଛି ଏହି ସୂଚନା । ପିତା ଆୟୋତ୍ତୋଲ୍ଲା ଅଲ୍ଲୀ ଖାମେନେଇଙ୍କ ମୃତ୍ୟୁ ପରେ ଇରାନର ନୂଆ ସୁପ୍ରିମ ଲିଡର ହୋଇଥିବା ମୋଜତାବାଙ୍କ କୋମା ସ୍ଥିତି ନେଇ ବିଗିଡ଼ିଛି ଇରାନର ପ୍ରତିରକ୍ଷା ବ୍ୟବସ୍ଥା । ଆୟୋତୋଲ୍ଲା ଅଲ୍ଲୀ ଖାମେନେଇଙ୍କ ଉପରେ କ୍ଷେପଣାସ୍ତ୍ର ମାଡ଼ ବେଳେ ମୋଜତାବା ଆହତ ହୋଇଥିବା ସୂଚନା ମିଳିଛି । ମୋଜତାବା କୋମାରେ ପୀଡ଼ିତ ହେବା ପରେ ବର୍ତ୍ତମାନ ଇରାନ ସେନାକୁ କିଏ ପରିଚାଳନା କରିବ ତାହାକୁ ନେଇ ଉଠିଛି ବଡ଼ ପ୍ରଶ୍ନ । ତେବେ ଆୟୋତୋଲ୍ଲା ଅଲ୍ଲୀ ଖାମେନେଇଙ୍କ ମୃତ୍ୟୁ ପରେ ମୋଜତାବାଙ୍କୁ କଡ଼ା ସୁରକ୍ଷା ବଳୟରେ ରଖିଥିଲା ଇରାନ ପ୍ରତିରକ୍ଷା ବିଭାଗ । ଓଜଏଉ ସମେତ ଇରାନର ଖୁଖାର୍ ପୋଲିସ ବାହିନୀ ସୁରକ୍ଷା ବଳୟରେ ରହିଥିଲେ ମୋଜତାବା । ଏତେ କଡ଼ା ସୁରକ୍ଷା ବଳୟ ମଧ୍ୟରେ ଥାଇ ମଧ୍ୟ ମୋଜତାବା କିପରି ଆକ୍ରମଣର ଶିକାର ହେଲେ ତାହାକୁ ନେଇ ପ୍ରଶ୍ନ ସୃଷ୍ଟି ହୋଇଛି । ଇରାନ ଉପରେ ମିଳିତ ଆକ୍ରମଣ କରିଥିବା ଆମେରିକା ଓ ଇସ୍ରାଏଲକୁ ମଧ୍ୟ ଯୁଦ୍ଧରେ ଖୁବ୍ କ୍ଷତିର ସାମ୍ନା କରିବାକୁ ପଡ଼ୁଛି । ଏହି ଯୁଦ୍ଧରେ ଏବେସୁଦ୍ଧା ସରକାରୀ ତଥ୍ୟାନୁସାରେ ଆମେରିକାର ଚାରୋଟି ବିମାନ ନଷ୍ଟ ହୋଇଛି ।